Qostanai – Semei baǵyty boiynsha sintetikalyq esirtki tasymaldady degen kúdikpen burynǵy matematika páni muǵalimi ustaldy, dep habarlaidy Dalanews.kz.
“Ustalǵan azamattyń Qostanaidan Semeige deiingi baǵytta esirtki zattaryn tasymaldaǵany anyqtaldy. Kýrerdiń kim ekeni rastaldy – ol buryn matematika páninen sabaq bergen muǵalim bolyp shyqty”, – dedi IIM Esirtki qylmysyna qarsy is-qimyl komiteti tóraǵasynyń orynbasary Qýanysh Áljanov.
Kúdikti Talapker aýyly mańyndaǵy tas jolda qyzmettik ittiń kómegimen ustalǵan. Avtokóliktiń artqy oryndyǵynda turǵan sómkeden salmaǵy 1 keli mefedron esirtkisi salynǵan paket tabylǵan.
Qazir kúdikti ýaqytsha ustaý izoliatoryna qamaldy.
