Қостанай – Семей бағыты бойынша синтетикалық есірткі тасымалдады деген күдікпен бұрынғы математика пәні мұғалімі ұсталды, деп хабарлайды Dalanews.kz.
“Ұсталған азаматтың Қостанайдан Семейге дейінгі бағытта есірткі заттарын тасымалдағаны анықталды. Курьердің кім екені расталды – ол бұрын математика пәнінен сабақ берген мұғалім болып шықты”, – деді ІІМ Есірткі қылмысына қарсы іс-қимыл комитеті төрағасының орынбасары Қуаныш Әлжанов.
Күдікті Талапкер ауылы маңындағы тас жолда қызметтік иттің көмегімен ұсталған. Автокөліктің артқы орындығында тұрған сөмкеден салмағы 1 келі мефедрон есірткісі салынған пакет табылған.
Қазір күдікті уақытша ұстау изоляторына қамалды.
