Aqmola oblysynda aýdan ákimine aiyppul salyndy, - dep habarlaidy Dalanews.kz.
Sebebi ákim sottyń suraý salýyn (zapros-esk.) oryndamaǵan.
Oblystyq sottyń ákimshilik ister jónindegi sot alqasy jer telimine quqyqty qaita resimdeý jónindegi aýdan ákimdiginiń qaýlysyn zańsyz dep taný jáne onyń kúshin joiý týraly T.-nyń talabyn qarady.
Alqanyń qaýlysymen talap qanaǵattandyrylyp, ákimdiktiń qaýlysy zańsyz dep tanylyp, kúshi joiyldy.
Isti qaraý barysynda alqa is boiynsha eleýli mańyzy bar mán-jailardy anyqtaý úshin daýly jer telimine qatysty is materialdarynda joq málimetterdi talap ete otyryp, aýdan ákimine sot suraý salýyn joldady.
Sot protseske qatysýshylardy ýaqytyly jáne tolyq kólemde málimetter men qujattardy usyný qajet dep sot suraý salýyn jiberetinin eskertken.
Ákim sot suraýyn ýaqtyly alǵan, biraq sot belgilegen merzimde ony oryndamaǵan jáne oryndaý merzimin uzartý jónindegi alqaǵa júginbegen.
Sottyń suraý salýyn oryndamaǵany jaýapkermen is júrgizý quqyǵyn teris paidalanǵanyn kýálandyrady. Oblystyq sot alqasynyń uiǵarymymen aýdan ákimine 20 AEK (73 840 teńge) mólsherinde aqshalai óndirip alý sharasy qoldanyldy.
Sot aktisi zańdy kúshine endi.
