اقمولا وبلىسىندا اۋدان اكىمىنە ايىپپۇل سالىندى، - دەپ حابارلايدى Dalanews.kz.
سەبەبى اكىم سوتتىڭ سۇراۋ سالۋىن (زاپروس-ەسك.) ورىنداماعان.
وبلىستىق سوتتىڭ اكىمشىلىك ىستەر جونىندەگى سوت القاسى جەر تەلىمىنە قۇقىقتى قايتا رەسىمدەۋ جونىندەگى اۋدان اكىمدىگىنىڭ قاۋلىسىن زاڭسىز دەپ تانۋ جانە ونىڭ كۇشىن جويۋ تۋرالى ت.-نىڭ تالابىن قارادى.
القانىڭ قاۋلىسىمەن تالاپ قاناعاتتاندىرىلىپ، اكىمدىكتىڭ قاۋلىسى زاڭسىز دەپ تانىلىپ، كۇشى جويىلدى.
ءىستى قاراۋ بارىسىندا القا ءىس بويىنشا ەلەۋلى ماڭىزى بار ءمان-جايلاردى انىقتاۋ ءۇشىن داۋلى جەر تەلىمىنە قاتىستى ءىس ماتەريالدارىندا جوق مالىمەتتەردى تالاپ ەتە وتىرىپ، اۋدان اكىمىنە سوت سۇراۋ سالۋىن جولدادى.
سوت پروسەسكە قاتىسۋشىلاردى ۋاقىتىلى جانە تولىق كولەمدە مالىمەتتەر مەن قۇجاتتاردى ۇسىنۋ قاجەت دەپ سوت سۇراۋ سالۋىن جىبەرەتىنىن ەسكەرتكەن.
اكىم سوت سۇراۋىن ۋاقتىلى العان، ءبىراق سوت بەلگىلەگەن مەرزىمدە ونى ورىنداماعان جانە ورىنداۋ مەرزىمىن ۇزارتۋ جونىندەگى القاعا جۇگىنبەگەن.
سوتتىڭ سۇراۋ سالۋىن ورىنداماعانى جاۋاپكەرمەن ءىس جۇرگىزۋ قۇقىعىن تەرىس پايدالانعانىن كۋالاندىرادى. وبلىستىق سوت القاسىنىڭ ۇيعارىمىمەن اۋدان اكىمىنە 20 اەك (73 840 تەڭگە) مولشەرىندە اقشالاي ءوندىرىپ الۋ شاراسى قولدانىلدى.
سوت اكتىسى زاڭدى كۇشىنە ەندى.
