QR Syrtqy ister ministrliginiń resmi ókili Aibek Smadiiarov Qytaida ómir boiyna bas bostandyǵynan aiyrylǵan Aqjarqyn Turlybaidyń isine qatysty pikir bildirdi, dep habarlaidy Dalanews.kz.
Onyń aitýynsha, bul másele qazir Bas prokýratýranyń quzyrynda.
"Biz óz tarapymyzdan qajet barlyq jumystardy atqardyq. Qazirgi ýaqytta aqparat almasý protsesi Bas prokýratýra arqyly júrip jatyr", – dedi ol ministrliktiń baspasóz jiynynda.
Smadiiarovtyń aitýynsha, Qazaqstan diplomattary jyl saiyn shetel túrmelerindegi otandastarymen kezdesip turady. Bul – ministrliktiń turaqty jumys baǵyttarynyń biri.
– Aqjarqyn Turlybaiǵa biyl baryp-barmaǵany týraly naqty aita almaimyn. Biraq bul baǵyttaǵy jumys jalǵasyp jatyr, – dedi vedomstvo ókili.
Aita keteiik, Aqjarqyn Turlybai 2014 jyly Almatydan Qytaiǵa barǵan bolatyn. Onyń sózinshe, tanys adamdary Gýanchjoýdan Malaiziiaǵa brend kiimderdi jetkizip, aqsha tabýdy usynǵan. Qazaqstandyq stýdent Gýanchjoýdan ushar aldynda ustaldy. Onyń sómkesinen esirtki tabylǵan bolatyn.
