ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ قىتايدا ءومىر بويىنا باس بوستاندىعىنان ايىرىلعان اقجارقىن تۇرلىبايدىڭ ىسىنە قاتىستى پىكىر ءبىلدىردى، دەپ حابارلايدى Dalanews.kz.
ونىڭ ايتۋىنشا، بۇل ماسەلە ءقازىر باس پروكۋراتۋرانىڭ قۇزىرىندا.
"ءبىز ءوز تاراپىمىزدان قاجەت بارلىق جۇمىستاردى اتقاردىق. قازىرگى ۋاقىتتا اقپارات الماسۋ پروسەسى باس پروكۋراتۋرا ارقىلى ءجۇرىپ جاتىر"، – دەدى ول مينيسترلىكتىڭ باسپا ءسوز جيىنىندا.
سمادياروۆتىڭ ايتۋىنشا، قازاقستان ديپلوماتتارى جىل سايىن شەتەل تۇرمەلەرىندەگى وتانداستارىمەن كەزدەسىپ تۇرادى. بۇل – مينيسترلىكتىڭ تۇراقتى جۇمىس باعىتتارىنىڭ ءبىرى.
– اقجارقىن تۇرلىبايعا بيىل بارىپ-بارماعانى تۋرالى ناقتى ايتا المايمىن. ءبىراق بۇل باعىتتاعى جۇمىس جالعاسىپ جاتىر، – دەدى ۆەدومستۆو وكىلى.
ايتا كەتەيىك، اقجارقىن تۇرلىباي 2014 جىلى الماتىدان قىتايعا بارعان بولاتىن. ونىڭ سوزىنشە، تانىس ادامدارى گۋانچجوۋدان مالايزياعا برەند كيىمدەردى جەتكىزىپ، اقشا تابۋدى ۇسىنعان. قازاقستاندىق ستۋدەنت گۋانچجوۋدان ۇشار الدىندا ۇستالدى. ونىڭ سومكەسىنەن ەسىرتكى تابىلعان بولاتىن.
