Kópshilikke tanymal «Aýylym» ániniń avtory, aqyn Jabaiyl Beisenov Qazaqstan Respýblikasy Prezidentiniń Jarlyǵy boiynsha «Qurmet» ordenimen nagradtaldy.
Qasym-Jomart Toqaevtyń qoly qoiylǵan memlekettik nagradany 90-nan asqan aqsaqalǵa úiine kelip Úrjar aýdanynyń ákimi Bashimbaev Aqylbek Jumabekuly tabystady.
«Búkil qazaq balasy «Aýylym» ánimen ósti. Bala kúnimizden tyńdap ósken ánnen bólek 8 kitap shyǵaryp, qazaq poeziiasyna qosqan úlesińiz zor. Aýyldaǵy aqynǵa qurmet kórsetken Qazaqstan Respýblikasynyń Prezidenti Qasym-Jomart Kemeluly Toqaevqa, Abai oblysynyń ákimi Nurlan Telmanuly Uranhaevqa alǵys bildiremiz! Qazaq rýhaniiatyna eńbek sińire berińiz!» degen aýdan ákimi nagradany aqynnyń tósine taqty.
Atap óteiik, búginde Abai oblysy, Úrjar aýdanynda turatyn aqyn «Kindigimniń jas qany, Tamǵan jerim aýylym» degen tanymal ánniń sózin 1972 jyly jazǵan. Keiin óleńge án jazylyp, ol halyqqa bir jyldan keiin jol tartqan. Sanaly ǵumyryn ustazdyqqa arnaǵan aqynnyń qolynan áli qalamy túsken joq.
