Astanada kóppáterli turǵyn úi keshenderiniń zańsyz qurylysy faktileriniń joly kesildi, dep habarlaidy dalanews.kz.
«Nura» aýdanynyń prokýratýrasy zańsyz qurylys nysandaryn anyqtaý jáne jolyn kesý boiynsha jumystar júrgizgen.
Sáýlet basqarmasymen, «Astana Genplan» JShS men jáne Memlekettik sáýlet qurylys baqylaýy basqarmasymen birlesken tekserý barysynda elordadaǵy qurylys alańdarynda eleýli zań buzýshylyqtar anyqtalǵan.
Atap aitqanda, Shyńǵys Aitmatov kóshesi, 24/8 ýchaskesiniń mańynda japsarlas úi jailary men parkingi bar kóppáterli turǵyn úi kesheniniń qurylysy anyqtalǵan.
Tekserý barysynda qurylys montaj jumystary saraptamanyń oń qorytyndysynsyz jáne qurylys montaj jumystarynyń bastalǵany týraly habarlamasyz júrgizilip jatqany belgili boldy.
Sonymen qatar Shyńǵys Aitmatov kóshesi men E164 kóshesiniń qiylysynda japsarlas úi jailary, meditsinalyq ortalyǵy jáne parkingi bar taǵy bir kóppáterli turǵyn úi kesheniniń qurylysy anyqtalǵan.
Prokýratýra málimetinshe, bul nysan jer ýchaskesine tiisti quqyqsyz, jobalyq smetalyq qujattamasyz, qurylys montaj jumystarynyń bastalǵany týraly habarlamasyz jáne saraptama qorytyndysynsyz salynǵan.
Qadaǵalaý organy jumystardy toqtatý týraly habarlamalar berilgenine qaramastan, kei qurylys salýshylar zań talaptaryn elemegenin atap ótti.
Prokýratýra qala qurylysy salasyndaǵy zańdylyqty qamtamasyz etý jumystary turaqty baqylaýda ekenin málimdedi.
Sondai aq elorda prokýratýrasy sáýlet jáne qala qurylysy zańnamasyn buzǵany úshin jaýapkershilik qarastyrylǵanyn eskertip, qurylys salýshylardy belgilengen talaptardy qatań saqtaýǵa shaqyrdy.
