كٶپشٸلٸككە تانىمال «اۋىلىم» ەنٸنٸڭ اۆتورى, اقىن جابايىل بەيسەنوۆ قازاقستان رەسپۋبليكاسى پرەزيدەنتٸنٸڭ جارلىعى بويىنشا «قۇرمەت» وردەنٸمەن ناگرادتالدى.
قاسىم-جومارت توقاەۆتىڭ قولى قويىلعان مەملەكەتتٸك ناگرادانى 90-نان اسقان اقساقالعا ٷيٸنە كەلٸپ ٷرجار اۋدانىنىڭ ەكٸمٸ باشيمباەۆ اقىلبەك جۇمابەكۇلى تابىستادى.
«بٷكٸل قازاق بالاسى «اۋىلىم» ەنٸمەن ٶستٸ. بالا كٷنٸمٸزدەن تىڭداپ ٶسكەن ەننەن بٶلەك 8 كٸتاپ شىعارىپ, قازاق پوەزيياسىنا قوسقان ٷلەسٸڭٸز زور. اۋىلداعى اقىنعا قۇرمەت كٶرسەتكەن قازاقستان رەسپۋبليكاسىنىڭ پرەزيدەنتٸ قاسىم-جومارت كەمەلۇلى توقاەۆقا, اباي وبلىسىنىڭ ەكٸمٸ نۇرلان تەلمانۇلى ۇرانحاەۆقا العىس بٸلدٸرەمٸز! قازاق رۋحانيياتىنا ەڭبەك سٸڭٸرە بەرٸڭٸز!» دەگەن اۋدان ەكٸمٸ ناگرادانى اقىننىڭ تٶسٸنە تاقتى.
اتاپ ٶتەيٸك, بٷگٸندە اباي وبلىسى, ٷرجار اۋدانىندا تۇراتىن اقىن «كٸندٸگٸمنٸڭ جاس قانى, تامعان جەرٸم اۋىلىم» دەگەن تانىمال ەننٸڭ سٶزٸن 1972 جىلى جازعان. كەيٸن ٶلەڭگە ەن جازىلىپ, ول حالىققا بٸر جىلدان كەيٸن جول تارتقان. سانالى عۇمىرىن ۇستازدىققا ارناعان اقىننىڭ قولىنان ەلٸ قالامى تٷسكەن جوق.
