Aitys óneriniń janashyry, aqyn Júrsin Erman densaýlyǵyna bailanysty basynan ótken aýyr kezeńdi eske aldy. Onyń aitýynsha, sol qiyn sátte Prezident Qasym-Jomart Toqaev qoldaý bildirgen. Bul týraly aqyn "1001 tún" baǵdarlamasynda aitty, dep dalanews.kz tilshisi kznews.kz saityna silteme jasap habarlaidy.
Júrsin Ermannyń sózinshe, qant diabeti densaýlyǵyna qatty áser etip, jaǵdaiy kúrt nasharlaǵan. Almatydaǵy iri meditsinalyq ortalyqta em qabyldaǵanyna qaramastan, dárigerler onyń aiaǵyn kesý qajet degen qorytyndyǵa kelgen.
"Meni qurtqan – qant. Onyń qaidan kelgenin kim biledi?! Qatty aýyrdym. Almatydaǵy bedeldi aýrýhanada emdeldim. Meni qarap júrgen dáriger aiaqty kesý kerektigin aitty. "Bulai jasamasaq bolmaidy, ólip qalasyń" dedi. Adamnyń aiaǵyn kesý ońai ma?! Qoimai shetelge baryp kelemin dep sheshtim. Shveitsariiaǵa ketip qaldym. Ol jaqta qudam bar. Dúniejúzilik densaýlyq saqtaý uiymynyń bas direktory. Olar meni qarap, aiaqty kesýdiń qajeti joq ekenin aitty.
Shveitsariiaǵa barý ońai bolǵan joq. Prezidentim Qasym-Jomart Toqaev baryp emdelip kel dep, kóp aqsha berdi. Ony bylai ózi aitpaidy. Biraq men ishimnen bilip turmyn, riza bolyp turmyn. Solai aiaǵymdy kestirmei, qaityp keldim. Bir kúni aýrahanadan eki-úsh kúni qaldy dep shyǵaratyn boldy. Qyzdarym qarap, shóptermen emdep, aman alyp qaldy. Halyqtyń da qoldaýy dem beredi", – dep jan syryn aqtardy aqyn.
