ايتىس ٶنەرٸنٸڭ جاناشىرى, اقىن جٷرسٸن ەرمان دەنساۋلىعىنا بايلانىستى باسىنان ٶتكەن اۋىر كەزەڭدٸ ەسكە الدى. ونىڭ ايتۋىنشا, سول قيىن سەتتە پرەزيدەنت قاسىم-جومارت توقاەۆ قولداۋ بٸلدٸرگەن. بۇل تۋرالى اقىن "1001 تٷن" باعدارلاماسىندا ايتتى, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
جٷرسٸن ەرماننىڭ سٶزٸنشە, قانت ديابەتٸ دەنساۋلىعىنا قاتتى ەسەر ەتٸپ, جاعدايى كٷرت ناشارلاعان. الماتىداعى ٸرٸ مەديتسينالىق ورتالىقتا ەم قابىلداعانىنا قاراماستان, دەرٸگەرلەر ونىڭ اياعىن كەسۋ قاجەت دەگەن قورىتىندىعا كەلگەن.
"مەنٸ قۇرتقان – قانت. ونىڭ قايدان كەلگەنٸن كٸم بٸلەدٸ?! قاتتى اۋىردىم. الماتىداعى بەدەلدٸ اۋرۋحانادا ەمدەلدٸم. مەنٸ قاراپ جٷرگەن دەرٸگەر اياقتى كەسۋ كەرەكتٸگٸن ايتتى. "بۇلاي جاساماساق بولمايدى, ٶلٸپ قالاسىڭ" دەدٸ. ادامنىڭ اياعىن كەسۋ وڭاي ما?! قويماي شەتەلگە بارىپ كەلەمٸن دەپ شەشتٸم. شۆەيتساريياعا كەتٸپ قالدىم. ول جاقتا قۇدام بار. دٷنيەجٷزٸلٸك دەنساۋلىق ساقتاۋ ۇيىمىنىڭ باس ديرەكتورى. ولار مەنٸ قاراپ, اياقتى كەسۋدٸڭ قاجەتٸ جوق ەكەنٸن ايتتى.
شۆەيتساريياعا بارۋ وڭاي بولعان جوق. پرەزيدەنتٸم قاسىم-جومارت توقاەۆ بارىپ ەمدەلٸپ كەل دەپ, كٶپ اقشا بەردٸ. ونى بىلاي ٶزٸ ايتپايدى. بٸراق مەن ٸشٸمنەن بٸلٸپ تۇرمىن, ريزا بولىپ تۇرمىن. سولاي اياعىمدى كەستٸرمەي, قايتىپ كەلدٸم. بٸر كٷنٸ اۋراحانادان ەكٸ-ٷش كٷنٸ قالدى دەپ شىعاراتىن بولدى. قىزدارىم قاراپ, شٶپتەرمەن ەمدەپ, امان الىپ قالدى. حالىقتىڭ دا قولداۋى دەم بەرەدٸ", – دەپ جان سىرىن اقتاردى اقىن.
