Alqaly jiynǵa oblys ákiminiń orynbasary U.Sádibekov, oblystyq, qalalyq, aýdandyq ardagerler keńesteri tóraǵalary, ziialy qaýym ókilderi men din salasynyń qyzmetkerleri, tóbe biler, úkimettik emes uiymdar men áielder qaýymdastyǵy jáne buqaralyq aqparat quraldarynyń basshylary qatysty.
Qatysýshylar din men dástúrdiń arasyna jik salyp júrgen keibir toptardyń áreketterine qarsy turý jaiyna toqtaldy. Máselen, óz otandastarynyń, baýyrlarynyń arasynda alaýyzdyq týdyryp, ózge túgili, óz ata-anasyn kápir sanap, ortaǵa teris áser etip júrgenderdiń qoǵamǵa qaýip tóndirip kele jatqany áńgime arqaýyna ainaldy. Óz kezeginde oblys ákiminiń orynbasary ult bolyp qalyptasqaly beri jinaqtalǵan san ǵasyrlyq qundylyqtardy, dástúrli dindi keibireýlerdiń teriske shyǵarýǵa umtylǵany orynsyz ekenin jetkizdi.
Sondai-aq, jiynda Qazaqstan musylmandary dini basqarmasy tarapynan dástúrli dininiń qundylyqtaryn halyq arasynda nasihattap, din men dástúr bailanysyn nyǵaita túsý jolynda atqarylǵan igi ister aityldy. Alaida, atalǵan máseleleni sheshýge bul sharýalar azdyq etetini, onymen qoǵam bolyp kúresý kerek ekenin aitty jinalǵandar.
Máselen, qoǵamdaǵy dini rásimder men joralǵylardy júrgizý barysynda ysyrapshyldyqqa jol bermeý, mazarattardy kútip ustaý máselelerimen ziialy qaýym ókilderi ainalysý kerektigi sóz boldy. Sonymen qatar Qazaqstan musylmandary dini basqarmasy bekitken «Janaza jáne dini rásimder» kitabyn kómekshi qural retinde paidalaný usynyldy.
OQO ákiminiń baspasóz qyzmeti
