Aqylbek Kúrishbaev «Agrarlyq ǵylymdy damytpai, aýyl sharýashylyǵy órkendemeidi»
«Búgingi kezdesýimiz «Baiserke» JShS bazasynda ótip otyr. Bul qojalyq búginde tabysty jumys istep otyr. Degenmen «Nege mundai sharýashylyqtar saýsaqpen sanarlyq?» degen suraq týyndaidy. Onyń eki sebebi bar. Birinshiden, bizdiń kásipkerler aýylǵa investitsiia tartý úshin biznes tartymdy, tiimdi bolýy kerek. Biznes aýyl sharýashylyǵyna salǵan aqshasyn eselep qaitaryp alyp, tabys tabatynyna kóz jetkizýi tiis. Bizdegi aýyl sharýashylyǵy jerleriniń 93 paiyzy «táýekeldik egistik» aýmaqta ornalasqan. Sondyqtan memlekettik qoldaý júiesin qarastyrýymyz qajet», - dep atap ótti A.Kúrishbaev.
Onyń pikirinshe, sońǵy kezde aýyl sharýashylyǵy salasynda óte jaqsy, jan-jaqty talqylanǵan baǵdarlamalar qabyldandy.
«Biznestiń jol kartasy-2020» degen jaqsy baǵdarlama qolǵa alyndy. Bizdiń kemshiligimiz, sol baǵdarlamalardy oryndap jatqan joqpyz. Memleket tarapynan beriletin qarjy qysqaryp qaldy. Sońyna deiin jetkizbedik», – dep tolyqtyrdy komissiia múshesi.
A.Kúrishbaev aitýynsha, ekinshi osal jerimiz, elimizde agrarlyq ǵylym damymaǵan.
«Agrarlyq ǵylym – aýyl sharýashylyǵynyń irgetasy. Ashyq aitatyn bolsaq, bizde bul irgetas óte alasa. Úzdik ǵalymdarymyz jumys istep jatyr. Alaida olar az. Bir mysal, keltireiin. Eýropanyń ortasynda ornalasqan Gollandiia degen memlekettiń jeri 41 myń sharshy metr eken, bizdiń Almaty oblysynyń besten bir bóligi. Biraq Gollandiia jylyna 50 mlrd AQSh dollaryna aýyl sharýashylyq ónimderin eksporttaidy. Al biz búkil Qazaqstan bolyp 5 mlrd dollardyń ónimin shyǵaramyz. Mine, bizdiń áleýetimiz osyndai. Gollandiianyń ministrlik basshylarynan munyń syryn suraǵanymda: «Bizdiń bir-aq qupiiamyz bar, agrarlyq ǵylym jaqsy damyǵan» dedi. Sondyqtan, biz agrarlyq ǵylymdy qolǵa alýymyz kerek», – dep túiindedi ǵalym. +
Derekkózi: BNews.kz
