اقىلبەك كٷرٸشباەۆ «اگرارلىق عىلىمدى دامىتپاي, اۋىل شارۋاشىلىعى ٶركەندەمەيدٸ»
«بٷگٸنگٸ كەزدەسۋٸمٸز «بايسەركە» جشس بازاسىندا ٶتٸپ وتىر. بۇل قوجالىق بٷگٸندە تابىستى جۇمىس ٸستەپ وتىر. دەگەنمەن «نەگە مۇنداي شارۋاشىلىقتار ساۋساقپەن سانارلىق?» دەگەن سۇراق تۋىندايدى. ونىڭ ەكٸ سەبەبٸ بار. بٸرٸنشٸدەن, بٸزدٸڭ كەسٸپكەرلەر اۋىلعا ينۆەستيتسييا تارتۋ ٷشٸن بيزنەس تارتىمدى, تيٸمدٸ بولۋى كەرەك. بيزنەس اۋىل شارۋاشىلىعىنا سالعان اقشاسىن ەسەلەپ قايتارىپ الىپ, تابىس تاباتىنىنا كٶز جەتكٸزۋٸ تيٸس. بٸزدەگٸ اۋىل شارۋاشىلىعى جەرلەرٸنٸڭ 93 پايىزى «تەۋەكەلدٸك ەگٸستٸك» اۋماقتا ورنالاسقان. سوندىقتان مەملەكەتتٸك قولداۋ جٷيەسٸن قاراستىرۋىمىز قاجەت», - دەپ اتاپ ٶتتٸ ا.كٷرٸشباەۆ.
ونىڭ پٸكٸرٸنشە, سوڭعى كەزدە اۋىل شارۋاشىلىعى سالاسىندا ٶتە جاقسى, جان-جاقتى تالقىلانعان باعدارلامالار قابىلداندى.
«بيزنەستٸڭ جول كارتاسى-2020» دەگەن جاقسى باعدارلاما قولعا الىندى. بٸزدٸڭ كەمشٸلٸگٸمٸز, سول باعدارلامالاردى ورىنداپ جاتقان جوقپىز. مەملەكەت تاراپىنان بەرٸلەتٸن قارجى قىسقارىپ قالدى. سوڭىنا دەيٸن جەتكٸزبەدٸك», – دەپ تولىقتىردى كوميسسييا مٷشەسٸ.
ا.كٷرٸشباەۆ ايتۋىنشا, ەكٸنشٸ وسال جەرٸمٸز, ەلٸمٸزدە اگرارلىق عىلىم دامىماعان.
«اگرارلىق عىلىم – اۋىل شارۋاشىلىعىنىڭ ٸرگەتاسى. اشىق ايتاتىن بولساق, بٸزدە بۇل ٸرگەتاس ٶتە الاسا. ٷزدٸك عالىمدارىمىز جۇمىس ٸستەپ جاتىر. الايدا ولار از. بٸر مىسال, كەلتٸرەيٸن. ەۋروپانىڭ ورتاسىندا ورنالاسقان گوللاندييا دەگەن مەملەكەتتٸڭ جەرٸ 41 مىڭ شارشى مەتر ەكەن, بٸزدٸڭ الماتى وبلىسىنىڭ بەستەن بٸر بٶلٸگٸ. بٸراق گوللاندييا جىلىنا 50 ملرد اقش دوللارىنا اۋىل شارۋاشىلىق ٶنٸمدەرٸن ەكسپورتتايدى. ال بٸز بٷكٸل قازاقستان بولىپ 5 ملرد دوللاردىڭ ٶنٸمٸن شىعارامىز. مٸنە, بٸزدٸڭ ەلەۋەتٸمٸز وسىنداي. گوللاندييانىڭ مينيسترلٸك باسشىلارىنان مۇنىڭ سىرىن سۇراعانىمدا: «بٸزدٸڭ بٸر-اق قۇپييامىز بار, اگرارلىق عىلىم جاقسى دامىعان» دەدٸ. سوندىقتان, بٸز اگرارلىق عىلىمدى قولعا الۋىمىز كەرەك», – دەپ تٷيٸندەدٸ عالىم. +
دەرەككٶزٸ: BNews.kz
