Aqaidar aýyly turǵyndary jyl sońynda jańa modýldik meditsinalyq pýnktte em qabyldaidy
Sultan Rabat eldi mekenindegi Qarajol, Qyzyljar kósheleriniń turǵyndaryn kóktemgi-kúzgi mezgilderde jaýynnyń tolassyz jaýýynan kóshe boiy sýǵa tolyp, halyqty ábigerge salyp jatatyn. Lengir qalasynyń Jańa qurylys poselkesine júrgizilgen sýaǵar júiesin Lengir-Birinshi Mamyr tas jolynyń qiylysynan Qarajol, Qyzyljar kósheleriniń boiymen Badam ózenine deiin 700 metrge sý aǵar júiesin salýǵa aldaǵy ýaqytta qarjy qarastyrylyp, tiisti jumystar júrgiziletin bolady.
Sonymen qatar, aýdan ákiminiń orynbasary Serjan Dúisebaevqa jáne Kielitas aýyldyq okrýginiń ákimi Polat Tórebekovke Dostyq eldi mekenindegi №16 Sh. Ýálihanov atyndaǵy jalpy orta mektebiniń janynan ótetin «Zelionyi klin» kanalyna qoiylǵan úsh dana qubyrdy zań aiasynda rekonstrýktsiia jasap, sý ótkizý qabiletin arttyrý tapsyryldy.
Aýdan ákimi Aqaidar aýylynda qurylysy bastalǵan jańa modýldik meditsinalyq pýnktiniń jai-kúiin kórdi. Qazirgi tańda, Aqaidar eldi mekenindegi meditsinalyq pýnktiń dárigerleri jeke menshik úide jalǵa otyryp halyqqa em kórsetýde. Osy oraida, 503 aýyl turǵyndary jyl sońyna deiin zamanaýi jańa modýldik meditsinalyq pýnktte em qabyldaityn bolady. Aýdan aýmaǵynda 7 modýldik meditsinalyq pýnktter soǵylýda.
Mal sharýashylyǵyn damytýda Kielitas aýylyndaǵy eski ferma ornyndaǵy tórt gektar jerge, biregei tiptik mal bordaqylaý alańshalaryn soǵý boiynsha aýdan basshysy Baýyrjan Omarbekov, aýdan ákiminiń orynbasary Serjan Dúisebaevqa, aýyldyq okrýgtiń ákimi Polat Tórebekovke, kásipkerlik bóliminiń basshysy Muhtar Óserbaevqa eldi meken turǵyndary men sharýaqojalyq tóraǵalarynyń basyn kooperavtivke biriktirip, mal bordaqylaý alańshalaryn soǵýǵa úgit-nasihat jumystaryn júrgizýdi tapsyrdy. Ákimdik óz kezeginde, mal bordaqylaý alańshalaryn infraqurylymmen qamtamasyz etýdi óz moinyna alatyn bolady.
Tólebi aýdany ákimdiginiń baspasóz qyzmeti
