سۇلتان رابات ەلدى مەكەنىندەگى قاراجول، قىزىلجار كوشەلەرىنىڭ تۇرعىندارىن كوكتەمگى-كۇزگى مەزگىلدەردە جاۋىننىڭ تولاسسىز جاۋۋىنان كوشە بويى سۋعا تولىپ، حالىقتى ابىگەرگە سالىپ جاتاتىن. لەنگىر قالاسىنىڭ جاڭا قۇرىلىس پوسەلكەسىنە جۇرگىزىلگەن سۋاعار جۇيەسىن لەنگىر-بىرىنشى مامىر تاس جولىنىڭ قيىلىسىنان قاراجول، قىزىلجار كوشەلەرىنىڭ بويىمەن بادام وزەنىنە دەيىن 700 مەترگە سۋ اعار جۇيەسىن سالۋعا الداعى ۋاقىتتا قارجى قاراستىرىلىپ، ءتيىستى جۇمىستار جۇرگىزىلەتىن بولادى.
سونىمەن قاتار، اۋدان اكىمىنىڭ ورىنباسارى سەرجان دۇيسەبايەۆقا جانە كيەلىتاس اۋىلدىق وكرۋگىنىڭ اكىمى پولات تورەبەكوۆكە دوستىق ەلدى مەكەنىندەگى №16 ش. ءۋاليحانوۆ اتىنداعى جالپى ورتا مەكتەبىنىڭ جانىنان وتەتىن «زەلونىي كلين» كانالىنا قويىلعان ءۇش دانا قۇبىردى زاڭ اياسىندا رەكونسترۋكسيا جاساپ، سۋ وتكىزۋ قابىلەتىن ارتتىرۋ تاپسىرىلدى.
اۋدان اكىمى اقايدار اۋىلىندا قۇرىلىسى باستالعان جاڭا مودۋلدىك مەديسينالىق پۋنكتىنىڭ جاي-كۇيىن كوردى. قازىرگى تاڭدا، اقايدار ەلدى مەكەنىندەگى مەديسينالىق پۋنكتىڭ دارىگەرلەرى جەكە مەنشىك ۇيدە جالعا وتىرىپ حالىققا ەم كورسەتۋدە. وسى ورايدا، 503 اۋىل تۇرعىندارى جىل سوڭىنا دەيىن زاماناۋي جاڭا مودۋلدىك مەديسينالىق پۋنكتتە ەم قابىلدايتىن بولادى. اۋدان اۋماعىندا 7 مودۋلدىك مەديسينالىق پۋنكتتەر سوعىلۋدا.
مال شارۋاشىلىعىن دامىتۋدا كيەلىتاس اۋىلىنداعى ەسكى فەرما ورنىنداعى ءتورت گەكتار جەرگە، بىرەگەي تيپتىك مال بورداقىلاۋ الاڭشالارىن سوعۋ بويىنشا اۋدان باسشىسى باۋىرجان وماربەكوۆ، اۋدان اكىمىنىڭ ورىنباسارى سەرجان دۇيسەبايەۆقا، اۋىلدىق وكرۋگتىڭ اكىمى پولات تورەبەكوۆكە، كاسىپكەرلىك ءبولىمىنىڭ باسشىسى مۇحتار وسەربايەۆقا ەلدى مەكەن تۇرعىندارى مەن شارۋاقوجالىق ءتوراعالارىنىڭ باسىن كووپەراۆتيۆكە بىرىكتىرىپ، مال بورداقىلاۋ الاڭشالارىن سوعۋعا ۇگىت-ناسيحات جۇمىستارىن جۇرگىزۋدى تاپسىردى. اكىمدىك ءوز كەزەگىندە، مال بورداقىلاۋ الاڭشالارىن ينفراقۇرىلىممەن قامتاماسىز ەتۋدى ءوز موينىنا الاتىن بولادى.
تولەبي اۋدانى اكىمدىگىنىڭ باسپا ءسوز قىزمەتى
