Batys Qazaqstan oblysyna qarasty Syrym aýdany Josaly aýyldyq okrýgi ákimi Batyrǵali Imanqulov Memlekettik qyzmet isteri agenttiginiń Tóraǵasy Darhan Jazyqbaidyń alǵys hatymen marapattaldy, – dep habarlaidy Dalanews.kz.
Agenttik tóraǵasy tabiǵat synaqtary tusynda qiyndyqqa tap bolǵan qoǵam múshelerine memlekettik qyzmetshi retinde qoldaý kórsetip, azamattyq ustanym jáne batyl is-qimyl tanytqany úshin alǵys bildirdi.
Batyrǵali Imanqulov 6 aqpannan 7 aqpanǵa qaraǵan túni aq tútek boranda traktormen qar qursaýyna qalyp, aýylǵa qarai jaiaý shyǵyp baǵytynan jańylysyp qalǵan azamatqa dereý kómekke baryp, aýylǵa aman-esen jetkizgen.
Memlekettik qyzmetshiniń erliginiń arqasynda azamatqa ýaqytyly kómek kórsetildi.
Agenttik Tóraǵasynyń arnaiy joldaǵan alǵys hatyn Batys Qazaqstan oblysy boiynsha aýmaqtyq departamentiniń basshysy, Ádep jónindegi keńes tóraǵasy Murat Baisalov tabystady.
