اق تۇتەك بوراندا تراكتورشىنى قۇتقارعان اۋىل اكىمى ماراپاتتالدى

نۇرلان جۇماحان 22 اقپ. 2024 18:42 4918

باتىس قازاقستان وبلىسىنا قاراستى سىرىم اۋدانى جوسالى اۋىلدىق وكرۋگى اكىمى باتىرعالي يمانقۇلوۆ مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقبايدىڭ العىس حاتىمەن ماراپاتتالدى، – دەپ حابارلايدى Dalanews.kz.

اگەنتتىك ءتوراعاسى تابيعات سىناقتارى تۇسىندا قيىندىققا تاپ بولعان قوعام مۇشەلەرىنە مەملەكەتتىك قىزمەتشى رەتىندە قولداۋ كورسەتىپ، ازاماتتىق ۇستانىم جانە باتىل ءىس-قيمىل تانىتقانى ءۇشىن العىس ءبىلدىردى.

باتىرعالي يمانقۇلوۆ 6 اقپاننان 7 اقپانعا قاراعان ءتۇنى اق تۇتەك بوراندا تراكتورمەن قار قۇرساۋىنا قالىپ، اۋىلعا قاراي جاياۋ شىعىپ باعىتىنان جاڭىلىسىپ قالعان ازاماتقا دەرەۋ كومەككە بارىپ، اۋىلعا امان-ەسەن جەتكىزگەن.

مەملەكەتتىك قىزمەتشىنىڭ ەرلىگىنىڭ ارقاسىندا ازاماتقا ۋاقىتىلى كومەك كورسەتىلدى.

اگەنتتىك ءتوراعاسىنىڭ ارنايى جولداعان العىس حاتىن باتىس قازاقستان وبلىسى بويىنشا اۋماقتىق دەپارتامەنتىنىڭ باسشىسى، ادەپ جونىندەگى كەڭەس ءتوراعاسى مۇرات بايسالوۆ تابىستادى.

 


ۇسىنىلعان
سوڭعى جاڭالىقتار
x