بٷگٸن قىزىلوردادا ەلەمگە ەيگٸلٸ يسپاندىق «Roca Group» كومپانيياسىنىڭ سانيتارلىق-تەحنيكالىق جابدىقتار زاۋىتىنىڭ ٸرگەتاسى قالاندى, دەپ حابارلايدى dalanews.kz.
وعان وبلىس ەكٸمٸ مۇرات ەرگەشباەۆ, «Roca Group» كومپانيياسىنىڭ باس ديرەكتورى دانيەلحۋرادو ەرناندەس, يسپانييا ەلشٸلٸگٸنٸڭ ساۋدا-ەكونوميكالىق كەڭەسشٸسٸ حەسۋس ۆيدال بوررەليا, قۇقىق قورعاۋ ورگاندارىنىڭ بٸرٸنشٸ باسشىلارى, قۇرىلىس كومپانييالارىنىڭ ديرەكتورلارى, زييالى قاۋىم ٶكٸلدەرٸ مەن ەل اعالارى قاتىستى.
«Roca Group» – جٷز جىلدان استام تاريحى بار, سانتەحنيكالىق جابدىقتار ٶندٸرۋ سالاسىنداعى ەلەمدٸك كٶشباسشىلاردىڭ بٸرٸ. كومپانييا ەلەم بويىنشا 78 ٶندٸرٸستٸك الاڭدى باسقارادى. وندا 20 مىڭنان استام ادام ەڭبەك ەتەدٸ. ٶنٸمدەرٸ 170-تەن استام ەلگە ەكسپورتتالادى.
رەسٸمدە وبلىس ەكٸمٸ مەملەكەت باسشىسى قاسىم-جومارت توقاەۆتىڭ ينۆەستيتسييا تارتۋ جەنە زاماناۋي ٶندٸرٸستٸ دامىتۋ جٶنٸندەگٸ تاپسىرماسىنا توقتالىپ, ٶڭٸردە قولايلى ينۆەستيتسييالىق احۋال قالىپتاسقانىن اتاپ ٶتتٸ.
«مەملەكەت باسشىسى «جاڭا ينۆەستيتسييالار ەڭ الدىمەن ەلٸمٸزدەگٸ زاماناۋي ٶنەركەسٸپتٸڭ نەگٸزٸن قالىپتاستىرۋعا باعىتتالۋى كەرەك» دەگەن بولاتىن. كەيٸنگٸ جىلدارى ٶڭٸرٸمٸزدٸڭ ينۆەستيتسييالىق ەلەۋەتٸ ارتىپ, ٸرٸ جوبالار تابىستى جٷزەگە اسۋدا.ايماق ەكونوميكاسىنا 2,3 ترلن تەڭگەدەن استام ينۆەستيتسييا تارتىلدى. الداعى ٷش جىلدا 1,9 ترلن تەڭگەگە 48 ينۆەستيتسييالىق جوبانى جٷزەگە اسىرۋ جوسپارلانۋدا. نەتيجەسٸندە 10 مىڭنان استام جاڭا جۇمىس ورنى اشىلادى.
بٷگٸن بٸز ەلٸمٸز ٷشٸن ماڭىزدى, جوعارى تەحنولوگييالىق ٶندٸرٸس ورنىنىڭ كاپسۋلاسىن سالۋ رەسٸمٸنٸڭ كۋەسٸ بولىپ وتىرمىز. وسىنداي اۋقىمدى جوبانى سىر ٶڭٸرٸندە جٷزەگە اسىرعانى ٷشٸن يسپاندىق «Roca Group» كومپانيياسىنا ريزاشىلىعىمدى بٸلدٸرەمٸن. بۇل باستاما ٶڭٸر ەكونوميكاسىنا جاڭا سەرپٸن بەرٸپ, ەكسپورتتىق ەلەۋەتتٸ ارتتىرۋعا جەنە جاڭا جۇمىس ورىندارىن اشۋعا مٷمكٸندٸك بەرەدٸ. بٸز وتاندىق جەنە شەتەلدٸك ينۆەستورلارمەن ەردايىم اشىق ەرٸ سەنٸمدٸ قارىم-قاتىناس ورناتىپ, نەتيجەلٸ جۇمىس ٸستەۋگە دايىنبىز, – دەدٸ مۇرات نەلقوجاۇلى.
جيىندا وبلىس پروكۋرورى ريزابەك وجاروۆ پەن «Roca Group» سەرٸكتەستٸگٸنٸڭ باس ديرەكتورى دانيەل حۋرادو ەرناندەس سٶز سٶيلەپ, ەل اعاسى يبراگيم ەبيبۋللاەۆ اق باتاسىن بەردٸ.
ايتا كەتۋ كەرەك,جوبا «KAZAKH INVEST» ۇك» اق قولداۋىمەن جٷزەگە اسىرىلۋدا.
«Roca Group» كومپانيياسىنىڭ زاۋىتىن قىزىلوردا ٶڭٸرٸندە سالۋ تۋرالى كەلٸسٸم وبلىستى نۇرلىبەك نەلٸباەۆ باسقارعان كەزەڭدە جاسالىپ, ٷكٸمەت دەڭگەيٸندە تيٸستٸ قۇجاتتارعا قول قويىلعان بولاتىن.
بۇل – قازاقستانداعى ەكولوگييالىق قاۋٸپسٸزدٸكتٸڭ حالىقارالىق ستاندارتتارىنا سەيكەس كەلەتٸن سانيتارلىق-تەحنيكالىق ٶنٸمدەر شىعاراتىن العاشقى ٶندٸرٸس ورنى.
زاۋىتقا 24 گەكتار جەر تەلٸمٸ بٶلٸندٸ, 44,1 ملرد تەڭگە ينۆەستيتسييا سالىنادى. جىلدىق ٶندٸرٸستٸك قۋاتى 500 مىڭ بۇيىمعا دەيٸن جەتەدٸ. ٶندٸرٸلگەن ٶنٸم قازاقستاننىڭ ٸشكٸ نارىعىنا جەتكٸزٸلٸپ, ورتالىق ازييا ەلدەرٸنە ەكسپورتتالادى.
سونىمەن قاتار 300-گە جۋىق تۇراقتى جۇمىس ورنى اشىلادى, جەرگٸلٸكتٸ مامانداردى وقىتۋ جەنە ولاردىڭ بٸلٸكتٸلٸگٸن ارتتىرۋ كٶزدەلگەن. كومپانييا جىل سوڭىنا دەيٸن سمەسيتەلدەر مەن ينستاللياتسييالىق جٷيەلەردٸ قۇراستىراتىن ٶندٸرٸس ورنىن ٸسكە قوسۋدى جوسپارلاپ وتىر. ال كومپانييا ٶنٸمدەرٸ ۇسىنىلاتىن شوۋرۋمدار استانا جەنە الماتى قالالارىندا ماۋسىم ايىندا اشىلادى.
