قاراعاندىدا 26 ماۋسىم – حالىقارالىق ناشاقورلىققا جەنە ەسٸرتكٸنٸڭ زاڭسىز اينالىمىمەن كٷرەس كٷنٸنە وراي كەڭ اۋقىمدى ەسٸرتكٸگە قارسى ايلىق باستالدى. شارانىڭ ماقساتى – سالاۋاتتى ٶمٸر سالتى, سپورت پەن بەلسەندٸ ازاماتتىق ۇستانىمنىڭ زيياندى ەدەتتەرگە ەڭ تيٸمدٸ بالاما ەكەنٸن ناسيحاتتاۋ, دەپ حابارلايدى dalanews.kz.
ايلىقتىڭ العاشقى كٷنٸ ورتالىق مەدەنيەت جەنە دەمالىس ساياباعىنداعى الاڭعا ەرٸكتٸلەر, قوعام بەلسەندٸلەرٸ, ستۋدەنتتەر مەن وقۋشىلار جينالىپ, ەسٸرتكٸگە قارسى ۇستانىمدارىن بٸلدٸردٸ.
– ەل بولاشاعى – جاستاردىڭ قولىندا. بٸزدٸڭ جاستار دەنساۋلىقتى, دامۋدى, سپورتتى جەنە دۇرىس قۇندىلىقتاردى تاڭدايتىنىنا سەنٸمدٸمٸز, – دەدٸ قاراعاندى وبلىستىق پد ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى قايىرجان توقۋباەۆ.
شارا بارىسىندا قر ٸشكٸ ٸستەر مينيسترٸ ەرجان سەدەنوۆتٸڭ اتىنان قاراعاندى وبلىستىق پد جانىنداعى ەسٸرتكٸ قىلمىسىنا قارسى قوعامدىق كەڭەس مٷشەلەرٸ گٷلنۇر كٶكيەۆا مەن بايان مەميتوۆاعا قۇرمەت گراموتالارى تابىستالدى. ولار جاستار اراسىندا ناشاقورلىققا قارسى ناسيحات جٷرگٸزۋگە بەلسەندٸ ٷلەس قوسقانى ٷشٸن ماراپاتتالدى.
پوليتسييا مەلٸمەتٸنشە, جىل باسىنان بەرٸ ٶڭٸردە ەسٸرتكٸ قىلمىسىنا قارسى كٷرەس باعىتىندا اۋقىمدى جۇمىستار اتقارىلعان. اتاپ ايتقاندا, 2 ەسٸرتكٸ زەرتحاناسى مەن 2 فيتوزەرتحانا انىقتالىپ, اسا ٸرٸ كٶلەمدە ەسٸرتكٸ ساقتاۋ بويىنشا 5 دەرەك, ۋلى زاتتاردىڭ زاڭسىز اينالىمىنا قاتىستى 5 فاكت جەنە ەسٸرتكٸ ساتۋ بويىنشا 37 جاعداي تٸركەلگەن.
زاڭسىز اينالىمنان 302 كەلٸ ەسٸرتكٸ جەنە 4 توننادان استام پرەكۋرسور تەركٸلەندٸ. جٷرگٸزٸلگەن وپەراتسييالار نەتيجەسٸندە ەسٸرتكٸ تاراتۋعا قاتىسى بار 35 ادام ۇستالدى. ولاردىڭ قاتارىندا 2 ەيەل مەن 2 كەمەلەتكە تولماعان جاسٶسپٸرٸم بار.
قاراعاندى وبلىستىق پوليتسييا دەپارتامەنتٸنٸڭ باسپاسٶز قىزمەتٸ مۇنداي شارالار جاستار اراسىندا سالاۋاتتى ٶمٸر سالتىن قالىپتاستىرىپ, قوعامدى ەسٸرتكٸ قاتەرٸنەن قورعاۋعا باعىتتالعانىن اتاپ ٶتتٸ.
