Batys Qazaqstan oblysynyń Aqjaiyq aýylynda aqyn Aqushtap Baqtygereevanyń 80 jasqa tolýyna orai esigin aiqara ashqan Ádebietshiler úiinde óńirimizdiń qalamgerleri bas qosty.
Jyly júzdesýdi Qazaqstan Jazýshylar odaǵy Batys Qazaqstan oblysy filialynyń tóraǵasy, oblystyq "Oral óńiri" gazetiniń bas redaktory, Ulttyq quryltaidyń múshesi Baýyrjan Ǵubaidýllin tizgindedi. Ortadan Terekti aýdanynyń ákimi Áliia Muhanbetjanova, aýdandyq máslihat tóraǵasy Áljan Nurǵaliev tabyldy.
Ádebietshiler úiiniń ashylý saltanatyna qatysqan aqyn-jazýshylar rýhani oshaqtyń jumysyna sáttilik tiledi. Qalamgerler shyǵarmashylyq jóninde oi tarqatty. Júzdesý barysynda qazaqtyń aiaýly aqyn qyzyna jergilikti aqyn Saǵyntai Bisenǵaliev óleńin oqysa, jas aitysker Ádil Ahmetov arnaý aitty.
"AQJAIYQ" telearnasynyń direktory Klara Qambetova arnanyń 60 jyldyq mereitoiyna arnalǵan merekelik medaldi Aqushtap Baqtygereiqyzyna tabystady.
Sodan soń aqynnyń 80 jasyna orai túsirilgen baǵdarlamadan úzindi kórsetildi.
–Búgingi ashylyp otyrǵan Ádebietshiler úii qazaq ádebietiniń órkendeýine zor úles qosady degen oidamyn. Tamyry tereń, topyraǵy qunarly, shejiresi kóp ólkeniń tarihy, rýhaniiaty túgendele bersin,- dedi "Alash" syilyǵynyń iegeri, belgili jýrnalist Qazybek Quttymuratuly ashylý saltanatynda sóilegen sózinde.
–Terekti topyraǵy tunǵan tarih. Sony zertteý kerek, zerdeleý kerek. Jas zertteýshilerge qoldaý tabylǵany jón, - dep keshti túiindedi «Aqjaiyqtyń aq shaǵalasy» atanǵan aqyn Aqushtap Baqtygereiqyzy.
