Lola Karimova-Tilliaeva kásipker Timýr Tilliaevpen ajyrasqanyn Instagram paraqshasynda habarlady. Ol lift ishinde gúl ustap turǵan sýretin jariialap, ómiriniń jańa kezeńi bastalǵanyn jazdy, dep habarlaidy dalanews.kz.
"Ózime gúl satyp alyp júrmin. Ózimdi tańdaimyn. Men resmi túrde ajyrastym. Jáne baqyttymyn. Endi ósýge, erkindikke jáne shyn máninde ózime tiesili ómirge qarai qadam basyp kelemin", – dep jazdy Karimova-Tilliaeva.
Lola men Timýr 27 jyldan astam ýaqyt nekede bolǵan. Osy jyldar ishinde erli-zaiyptylardyń úsh balasy dúniege kelgen: Mariam, Safiia jáne Ýmar. Ajyrasý sebepteri men basqa da mán-jaidy burynǵy erli-zaiyptylar ashyp aitqan joq.
Lola Karimova-Tilliaeva 1978 jyly Tashkentte dúniege kelgen. Ol halyqaralyq quqyq jáne psihologiia salasynda bilim alǵan. Keiin diplomat bolyp jumys istep, Ózbekstannyń IýNESKO-daǵy ókili bolǵan.
Karimova-Tilliaevanyń qoǵamdyq qyzmetiniń eleýli bóligi balalarǵa kómek kórsetýmen bailanysty boldy. 2002 jyly ol jubaiymen birge jetim jáne ata-ana qamqorlyǵynsyz qalǵan balalarǵa qoldaý kórsetetin «Sen jalǵyz emessiń» qoryn qurdy. Keiin balalardy áleýmettik beiimdeý ortalyǵynyń jumysyna qatysyp, The Harmonist parfiýmeriialyq brendin iske qosty.
