Qytaidaǵy «Jazǵy Davos» dúniejúzilik ekonomikalyq forýmynyń 17-shi jyl saiynǵy kezdesýi aiasynda Qazaqstan Respýblikasynyń Premer-ministri Oljas Bektenov ónerkásip pen tsifrlandyrý salasynda jetekshi oryndarǵa ie qytailyq iri kompaniialardyń basshylarymen kezdesýler ótkizdi. Olardyń ishinde, Yulin Irrigation bas direktory Tsi Iýbo, Xiamen Wanli Stone direktorlar keńesiniń tóraǵasy Hý Tszinpei, SuperX AI Technology Limited direktorlar keńesiniń tóraǵasy ári CEO Hýan Chenhýn, Jinyi Holding Group direktorlar keńesiniń tóraǵasy Tszin Pen, Guangzhou Automobile Group direktorlar keńesiniń tóraǵasy Fen Sinia, CATL kompaniiasynyń negizin qalaýshy jáne direktorlar keńesiniń tóraǵasy Tsen Iýitsiýn, CISDI Engineering vitse-prezidenti Iýn Liý bar, dep habarlaidy dalanews.kz.
Qazaqstan úshin basym salalarda – AÓK, ónerkásip, kómir himiiasy, avtomobil jasaý jáne data-ortalyqtar qurýda jańa sheteldik jobalardy iske qosý perspektivalaryna nazar aýdaryldy. Memleket basshysy Qasym-Jomart Toqaev qoiǵan mindetter sheńberinde shetel investitsiialaryn tartý, óndiristerdi lokalizatsiialaý jáne tehnologiialar transfertiniń múmkindikteri qaraldy.
Yulin Irrigation kompaniiasynyń bas direktory Tsi Iýbomen kezdesýde Qazaqstanda zamanaýi irrigatsiialyq tehnologiialardy engizý máseleleri talqylandy, onyń ishinde Qyzylorda oblysynda irrigatsiialyq jabdyqtardy qurastyrý jobasy da bar. Sý resýrstaryn utymdy paidalaný jáne irrigatsiialyq infraqurylymdy damytý – Qazaqstannyń aýyl sharýashylyǵy salasyndaǵy memlekettik saiasatynyń negizgi basymdyqtarynyń biri. Elimiz zamanaýi sýarý tehnologiialaryn engizý arqyly agrarlyq sektordyń ónimdiligin arttyrýǵa múddeli. Yulin Irrigation – qazirgi zamanǵy sýarý júielerin ázirleýge, óndirýge, engizýge jáne servistik qoldaýǵa mamandanǵan QHR-daǵy irrigatsiialyq jabdyqtardy jetekshi óndirýshilerdiń biri.
Xiamen Wanli Stone direktorlar keńesiniń tóraǵasy Hý Tszinpeimen kómir himiiasy, metallýrgiia jáne mineraldy shikizatty tereń óńdeýdegi yntymaqtastyq perspektivalary qarastyryldy. Jobada kómirdi jartylai koks, sýtegi jáne joǵary sapaly munai ónimderine ainaldyratyn, sondai-aq molibden, germanii jáne renii siiaqty sirek metaldardy tereń óńdeitin qosylǵan quny joǵary «kómir–elektr energiiasy–himiia–metallýrgiia» integratsiialanǵan tizbegin qurý kózdelgen.
SuperX AI Technology Limited direktorlar keńesiniń tóraǵasy ári CEO Hýan Chenhýnmen Qazaqstanda zamanaýi derekter ortalyqtaryn qurý jospary talqylandy.
Kompaniia JI-infraqurylymdarǵa jáne joǵary tyǵyzdyqtaǵy derekterdi óńdeý ortalyqtaryna arnalǵan sheshimderdi damytýmen ainalysady ári Qazaqstanda 2026-2029 jyldary kezeń-kezeńimen iske qosylatyn, qýaty 1 GVt-qa deiin jetetin AI Data Center klasterin qurýǵa múddeli. JI-kampýs salý, energiiamen jabdyqtaýdy jáne tsifrlyq infraqurylymdy damytý, sondai-aq derekterdi óńdeý ortalyqtary úshin serverlik jabdyqtar men tehnologiialyq sheshimderdi jetkizip berý kózdelip otyr.
Ekonomikanyń barlyq sektorlaryna jasandy intellektini engizý jáne tsifrlandyrý Qazaqstan úshin strategiialyq mańyzǵa ie. Prezident Qasym-Jomart Toqaevtyń tapsyrmasy boiynsha 2026 jyl Tsifrlandyrý jáne jasandy intellekt jyly bolyp jariialandy. Sondai-aq Prezidenttiń Jarlyǵymen elimizdiń tehnologiialyq damýynyń jańa basymdyqtaryn aiqyndaityn 2029 jylǵa deiingi «Tsifrlyq Qazaqstan» jalpyulttyq strategiiasy bekitildi. Kezdesý qorytyndysy boiynsha Premer-ministr usynysty egjei-tegjeili zerdeleý jáne investormen ózara is-qimyldy úilestirý úshin jumys tobyn qurýdy tapsyrdy.
Jinyi Holding Group direktorlar keńesiniń tóraǵasy Tszin Penmen arnaiy indýstrialdy aimaq qurý jáne investitsiialyq yntymaqtastyqty keńeitý máseleleri qaraldy. Holding ónerkásiptik investitsiialar, logistika jáne jańa energetika salasynda jumys isteidi. Jinyi Holding Group Qazaqstanda eki investitsiialyq jobany júzege asyrýda, olar – Aqtóbedegi «jasyl» mys ónerkásibi zaýyty jáne Batys Qazaqstan oblysyndaǵy indýstriialyq-logistikalyq hab.
Aqtóbe oblysynda sheteldik óndirýshilerdi jedel lokalizatsiialaý úshin daiyn injenerlik infraqurylymy bar iri indýstriialyq-logistikalyq parkin qurý bastamasy bólek talqylandy. Tereń óńdeýdi jáne ónerkásiptik kooperatsiiany damytýǵa yqpal etetin joǵary qosylǵan quny bar daiyn ónimdi shyǵarýǵa baǵyttalǵan óndiriske basa nazar aýdaryldy.
Guangzhou Automobile Group direktorlar keńesiniń tóraǵasy Fen Siniamen kezdesýge Qazaqstanda avtomobil óndirisin lokalizatsiialaý perspektivalary arqaý boldy. GAC kompaniiasy – Fortune Global 500 reitingine kiretin Qytaidyń iri avtomobil óndirýshisi.
Jobany júzege asyrý GAC avtomobilderin Qazaqstan naryǵyna distribýtsiialaýdan jergilikti óndiriske kóshýge múmkindik beredi. 2026-2028 jyldary ishten janý qozǵaltqyshtary men gibridti kúshtik qondyrǵylary bar modelderdi qosa alǵanda, 17 myń mashina shyǵarý josparlanýda.
Qazaqstan úshin akkýmýliatorlyq batareialar men energiia jinaqtaý júieleriniń jańa tehnologiialyq óndirisin qurý múmkindikteri CATL kompaniiasynyń negizin qalaýshy jáne direktorlar keńesiniń tóraǵasy Tsen Iýitsiýnmen talqylandy.
Shikizatty qaita óńdeýden bastap daiyn akkýmýliatorlardy, energiiany saqtaý júielerin shyǵarýǵa, sondai-aq paidalanylǵan batareialardy kádege jaratýǵa deiin qosylǵan quny joǵary birlesken jobalardy júzege asyrý perspektivalary qaraldy. CATL – elektromobilder men energiiany saqtaý júielerine arnalǵan álemdegi eń iri akkýmýliator óndirýshisi, ol tartqysh akkýmýliatorlar naryǵynda 39,2% jahandyq úlesti alady.
CISDI Engineering vitse-prezidenti Iýn Liýmen kezdesýde otandyq metallýrgiiany tehnologiialyq jańǵyrtý jáne ozyq injenerlik sheshimderdi engizý máseleleri talqylandy. Qazaqstannyń metallýrgiialyq áleýetin nyǵaitýdaǵy mańyzdy qadam bolatyn shoiyndy artyq kúkirtten aryltý jónindegi jobany sapaly ári ýaqtyly júzege asyrýǵa erekshe nazar aýdaryldy. Taraptar sondai-aq CISDI Engineering kompaniiasynyń elimizde jańa quiý-jaimalaý keshenin salýǵa injiniringtik áriptes retinde qatysý múmkindigin qarastyrdy. Kompaniia – metallýrgiialyq injiniring, aýqymdy metallýrgiialyq nysandardy keshendi jobalaý jáne júzege asyrý salasyndaǵy moiyndalǵan álemdik kóshbasshylardyń biri.
Biznespen kezdesýler qorytyndysynda Oljas Bektenov Qazaqstan uzaq ýaqyt jumys isteýge, óndiristi lokalizatsiialaýǵa, tehnologiialar transferti men qosylǵan quny joǵary ónim shyǵarýǵa baǵdarlanǵan investorlar úshin ashyq ekenin atap ótti. Premer-ministr Qazaqstan Qytai kompaniialarynyń elimizdiń ekonomikasyna investitsiia salýǵa degen qyzyǵýshylyǵyn uzaqmerzimdi strategiialyq áriptestiktiń negizi retinde qarastyratynyn aitty. Úkimet jobalardyń turaqty jumys isteýi jáne olardyń odan ári keńeiýi úshin qajetti jaǵdailar jasaýǵa daiyn. Salalyq memlekettik organdarǵa jáne Kazakh Invest ulttyq kompaniiasyna investitsiialyq bastamalardy odan ári súiemeldeý jáne olardy júzege asyrýdyń praktikalyq máselelerin pysyqtaý tapsyryldy.
