Áleýmettik jelide kýrer bolyp jumys isteitin ananyń kúndelikti ómirin kórsetetin qysqametrajdy mýltfilm jariialandy, dep habarlaidy dalanews.kz.
Stop-motion formatynda túsirilgen týyndyda bala kútimi men nápaqa tabýdy qatar alyp júrgen áieldiń aýyr tirshiligi beinelengen. Avtor Aiianyń aitýynsha, qoǵam kóbine analardy tózimdi bolýǵa shaqyrady, biraq olardyń kúnkóris úshin kúresýge májbúr ekenin eskere bermeidi.
Onyń sózinshe, bul – jeke adamnyń ǵana máselesi emes, áleýmettik saiasattaǵy túitkil.
Mýltfilm Almatyda sábiin kóterip júrip kýrer bolyp jumys istegen anaǵa qatysty oqiǵadan keiin jaryq kórdi. Bul jaǵdai qoǵamda qyzý talqylanyp, eńbek jaǵdaiy men jas analardyń áleýmettik qorǵalýyna qatysty suraqtardy qaita kóterdi.
Eńbek ministri Asqarbek Ertaevtyń málimetinshe, ministrlik iri kompaniialarmen birlesip kýrerlerge arnalǵan biryńǵai ereje ázirlep jatyr. Qujatty kelesi aida engizý josparlanyp otyr.
Ministr jas analardyń jumys isteýine tyiym salynbaitynyn, alaida mundai jaǵdailardyń aldyn alý úshin naqty eńbek talaptary men sharttary bekitilýi múmkin ekenin aitty.
