Májilis depýtaty Serik Egizbaev «Aýyl» partiiasy tóraǵasy qyzmetinen ketti, dep habarlaidy dalanews.kz.
Partiianyń kezekten tys sezinde Serik Egizbaev ókilettigin toqtatatynyn málimdedi. Onyń ornyna Qazaq agrotehnikalyq zertteý ýniversitetiniń rektory Qairat Aitýǵanov sailandy.
Serik Egizbaev «Aýyl» partiiasyn 2023 jyldyń qazan aiynan beri basqarǵan. Ol partiia tóraǵalyǵymen qatar Májilistegi agrarlyq máseleler komitetin de basqaryp keledi.
Qairat Aitýǵanov buǵan deiin Aýyl sharýashylyǵy ministrliginde vitse-ministr qyzmetin atqaryp, agrarlyq saladaǵy jobalarmen ainalysqan. Onyń partiia basshylyǵyna kelýi «Aýyldyń» aýyl sharýashylyǵy men óńirler máselesine basymdyq berýdi jalǵastyratynyn kórsetedi.
Sońǵy ailarda partiiada kadrlyq ózgerister jiilep, mamyr aiynda eks-prezidenttikke kandidat Tóleýtai Raqymbekov te «Aýyl» partiiasynan ketkenin jariialaǵan bolatyn.
