«Berkýt pod solntsem» arnasynyń habarlaýynsha, Antikor Áliia Nazarbaeva negizin qalaǵan Áleýmettik mańyzy bar bastamalardy damytý qoryn tergep jatyr.
Qazir qor direktory Ermek Májitovten tergeýshiler jaýap alyp jatqan kórinedi. Tolyq málimetter áli jariialanbaǵan.
...
Buǵan deiin Britan depýtaty Nazarbaev áýletiniń qalai baiyǵanyn aitqan edi.
Britandyq Parlamenttiń leiboristik partiiasynyń múshesi Margaret Hodj Ulybritaniia "2008-2015 jyldary Qazaqstannan zańsyz jolmen tapqan aram aqshalaryn jasyrǵan 205 qazaqstandyq kleptokratqa altyn viza bergenin" málim etken.
"Qazaqstandyq elitanyń Ulybritaniiada 500 mln fýnt sterlingten astam jyljymaityn múlikke ie. Bul somanyń shamamen 330 mln fýnt sterlingi Nazarbaev otbasyna tiesili", – degen bolatyn depýtat.
Ulybritaniia Joǵarǵy Soty óz kezeginde Nazarbaevtyń kishi qyzy Áliia Nazarbaevanyń kúrdeli offshorlyq qurylymdar arqyly, onyń ishinde Britan Virgin araldaryna elden $300 millionnan astam qarajat shyǵarǵanyna basa nazar aýdarǵan.
