«بەركۋت پود سولنسەم» ارناسىنىڭ حابارلاۋىنشا، انتيكور ءاليا نازاربايەۆا نەگىزىن قالاعان الەۋمەتتىك ماڭىزى بار باستامالاردى دامىتۋ قورىن تەرگەپ جاتىر.
ءقازىر قور ديرەكتورى ەرمەك ماجيتوۆتەن تەرگەۋشىلەر جاۋاپ الىپ جاتقان كورىنەدى. تولىق مالىمەتتەر ءالى جاريالانباعان.
...
بۇعان دەيىن بريتان دەپۋتاتى نازاربايەۆ اۋلەتىنىڭ قالاي بايىعانىن ايتقان ەدى.
بريتاندىق پارلامەنتتىڭ لەيبوريستىك پارتياسىنىڭ مۇشەسى مارگارەت حودج ۇلىبريتانيا "2008-2015 جىلدارى قازاقستاننان زاڭسىز جولمەن تاپقان ارام اقشالارىن جاسىرعان 205 قازاقستاندىق كلەپتوكراتقا التىن ۆيزا بەرگەنىن" ءمالىم ەتكەن.
"قازاقستاندىق ەليتانىڭ ۇلىبريتانيادا 500 ملن فۋنت ستەرلينگتەن استام جىلجىمايتىن مۇلىككە يە. بۇل سومانىڭ شامامەن 330 ملن فۋنت ستەرلينگى نازاربايەۆ وتباسىنا تيەسىلى"، – دەگەن بولاتىن دەپۋتات.
ۇلىبريتانيا جوعارعى سوتى ءوز كەزەگىندە نازاربايەۆتىڭ كىشى قىزى ءاليا نازاربايەۆانىڭ كۇردەلى وففشورلىق قۇرىلىمدار ارقىلى، ونىڭ ىشىندە بريتان ۆيرگين ارالدارىنا ەلدەن $300 ميلليوننان استام قاراجات شىعارعانىنا باسا نازار اۋدارعان.
