قازاقمىس جەزقازعان مىس بالقىتۋ زاۋىتىنىڭ مىس ەلەكتروليزٸ تسەحىنداعى جابدىقتاردى جاڭارتۋعا كٸرٸستٸ. 2026 جىلى جوبانى ٸسكە اسىرۋعا شامامەن 745 ملن تەڭگە باعىتتالدى, دەپ حابارلايدى dalanews.kz.
كەسٸپورىنعا كاتودتى مىس ٶندٸرۋگە ارنالعان جاڭا پوليمەربەتون ۆاننالارىنىڭ العاشقى پارتيياسى جەتكٸزٸلدٸ. ولار حيمييالىق ەسەرگە جوعارى تٶزٸمدٸلٸگٸمەن ەرەكشەلەنەدٸ جەنە 60 °C-قا دەيٸنگٸ جۇمىس تەمپەراتۋراسىندا پايدالانىلادى.
العاشقى 24 ۆاننانى مونتاجداۋ جۇمىسى باستالدى. 2026 جىلدىڭ سوڭىنا دەيٸن 250 ۆاننانى ورناتۋ جوسپارلانعان. جالپى, مىس ەلەكتروليزٸ تسەحىندا 1 872 ۆاننا بار.
جابدىقتاردى كەزەڭ-كەزەڭٸمەن اۋىستىرۋ ەلەكتروليز ٶندٸرٸسٸنٸڭ سەنٸمدٸلٸگٸن ارتتىرۋعا, تەحنولوگييالىق ٷدەرٸستٸڭ تۇراقتى كٶرسەتكٸشتەرٸن جەنە ٶندٸرٸلەتٸن كاتودتى مىستىڭ ساپاسىن قامتاماسىز ەتۋگە مٷمكٸندٸك بەرەدٸ. سونداي-اق جابدىقتاردى جاڭارتۋ ٶندٸرٸستٸك وپەراتسييالاردى ورىنداۋ جاعدايىن جاقسارتۋعا ىقپال ەتەدٸ.
جوبا جەزقازعان مىس بالقىتۋ زاۋىتىن جاڭعىرتۋ باعدارلاماسى اياسىندا جٷزەگە اسىرىلۋدا. 2026 جىلى قازاقمىستىڭ جاڭا باسقارۋ كومانداسى ٶندٸرٸستٸك اكتيۆتەردٸ جاڭارتۋعا باعىتتالعان جۇمىستى كٷشەيتٸپ, جابدىقتاردىڭ سەنٸمدٸلٸگٸنە, جۇمىسكەرلەردٸڭ قاۋٸپسٸزدٸگٸنە جەنە ٶندٸرٸستٸك ٷدەرٸستٸڭ تۇراقتىلىعىنا باسىمدىق بەردٸ.
