Memleket basshysy Qasym-Jomart Toqaev Qazaqstan halqyna Joldaýynda sharýalardyń ózara ujymdasýy aýyl sharýashylyǵyn damytýǵa jol ashatynyn atap ótken bolatyn.
– Biz osyndai pilottyq jobany júzege asyrdyq. Oǵan qatysqan aýyl sharýashylyǵy kooperativteriniń egini eki ese artyq ónim bergen. Al, mal basy shamamen 25 paiyzǵa kóbeigen. Ár óńirdiń ereksheligin eskere otyryp, oń tájiribeni búkil elge birtindep taratý qajet, – dep atap ótti Prezident.
«Aýyl amanaty» jobalyq keńsesi hatshylyǵynyń basshysy Nurken Sharbievtiń aitýynsha, el turǵyndarynyń tabysyn arttyrý máselesin sheshý «AMANAT» partiiasynyń negizgi basymdyqtarynyń biri bolyp sanalady.
– Aýylda 7,7 mln adam turady. Bul halyqtyń jalpy sanynyń 41%-y. Byltyrǵy derekke sáikes, aýyl jáne qala turǵyndarynyń aqshalai tabysynyń aiyrmashylyǵy 38%-dy quraidy. «Aýyl amanaty» jobasy osy olqylyqtyń ornyn toltyrýdy kózdeidi. Aýyl turǵyndarynyń tabysyn, ál-aýqatyn jáne ómir súrý sapasyn arttyrýǵa kómektesýge tyrysamyz. Jobanyń maqsaty men mindetin túsindirý úshin keń aýqymdy 40 kúndik aqparattyq marafon ótkizdik. Mobildi top quramyndaǵy trenerlerimiz 28 shilde men 10 qyrkúiek aralyǵynda respýblikadaǵy 179 aýdannyń 425 aýyly men aýyldyq okrýginde 250 myń azamatty qamtyǵan kezdesýler ótkizdi, – dedi ol.
Shyǵys Qazaqstan oblysy Novopokrovka aýylyndaǵy Mýshahira Tólebaeva esimdi kópbalaly ana jobaǵa úlken úmit artyp otyr.
– Jylyjai sharýashylyǵym bar. Onda qiiar, qyzanaq jáne taǵy basqany ósiremiz. Alaida biyl qurǵaqshylyq boldy. Jańbyr jaýǵan joq. Baqshany aýyz sýmen sýaramyz. Sý jinap jatqan kezde aýyl turǵyndary sýsyz qalady. Jylyjaiǵa únemi kútim qajet bolǵandyqtan, keide tipti isherge sý tappai qalamyz. Byltyr 520 myń teńgeni quraityn grant utyp, sol qarajatqa tamshylatyp sýarý taspasyn satyp aldym. Keiin shaǵyn konservili tseh ashý ideiasy paida bolyp, taǵy da grant uttym. Arnaiy biznes-jospar qurdym. Alaida qaida baryp, kimnen ne suraý kerektigin bilmeisiń. «Aýyl amanaty» jobasy arqyly kásibimdi ári qarai damyta alamyn dep oilaimyn, – dedi ol.
Partiialyqtar atap ótkendei, 2019 jyldan bastap tabysty arttyrý baǵdarlamasy júzege asyrylyp jatqan Jambyl oblysynyń oń tájiribesi aýyl turǵyndaryn baǵdarlamaǵa qatysýǵa yntalandyrýy tiis. Máselen, osy óńirge respýblikalyq biýdjetten 7,2 mlrd teńge bólindi. Jobaǵa qatysýǵa 11 aýyldyq okrýg irikteldi. Osylaisha, ataýly áleýmettik kómek alýshylardyń sany 3 esege qysqaryp, atalǵan aýyldarda ortasha ailyq tabys mólsheri 1,7 esege ulǵaidy. Jumyssyzdar sany 36%-ǵa azaidy. Mikrokreditter boiynsha, 60 kúnnen astam merzimi ótken tólemder bolmady.
Mamandanýǵa aýyldyq okrýg ákimderi kómektesedi. Ol úshin «AMANAT» partiiasynyń Saiasi menedjment akademiiasy aýyl, aýyldyq okrýg ákimderine jáne «AMANAT»-tyń aýmaqtyq filialdarynyń atqarýshy hatshylaryna arnaiy kýrstar ótkizdi. Halyqtyń ekonomikalyq belsendiligin arttyrý salasynda 2346 adam bilimin jetildirdi.
– Kooperativ qurý jáne ótkizý tizbegin qalyptastyrý boiynsha treningter ótkizildi. Adamdar jekelei jumys istei alatynyn, sondai-aq aýyl sharýashylyǵy kooperativine birige alatynyn túsindirdik. Bul qadam shyǵyndy azaitady. Mysaly, jemdi naryqtaǵy baǵadan 40-50%-ǵa arzan baǵamen satyp alýǵa bolady. Jer jyrtý, qoqys shyǵarý kezinde de arnaiy tehnikanyń qyzmet quny tómendeidi. Kooperativter tehnikany lizingke ońai ala alady. Oblys ákimdikteri kooperativterge kásibi agronomdardyń, veterinarlardyń, mehanizatorlar men zootehnikterdiń qatysýyn qamtamasyz etedi, – dedi jobalyq keńse hatshylyǵy basshysynyń orynbasary Aqmaral Bekmurzaeva.
Atap aitqanda, Batys Qazaqstan oblysy Tasqala aýdany Aqtaý aýyldyq okrýginiń ákimi Nurseiit Belgin alǵan bilimin is júzinde qoldanyp úlgerdi.
– Aýdanymyzdyń áleýetin, qandai óndiristi iske qosa alatynymyzdy aiqyndadyq. Nátijesinde, turǵyndardyń biri óz qarajatyna taza aýyz sý tsehynyń qurylysyn bastady. Jumys aiaqtalǵannan keiin ol oblys jáne jaqyn shetel turǵyndaryn sapasy joǵary taza aýyz sýmen qamtamasyz etýdi josparlap otyr. Óndiris orny Aqtaý aýylynda tirkeldi. Osylaisha, aýyldyń salyq bazasy keńeiedi. 10 adam turaqty jumyspen qamtylady, – dedi ol.
Esterińizge sala keteiik, Memleket basshysynyń tapsyrmasyna sáikes, biyl sáýirde «Halyqtyń tabysyn arttyrýdyń 2025 jylǵa deiin baǵdarlamasy» bekitildi. Aýyl turǵyndarynyń jyldyq mólsherlemesi 2,5%-dy quraityn jeńildetilgen nesie alýyna, kooperativ qurý jáne tehnikany lizingke resimdeý kezinde kómek alýyna múmkindik paida bolady. Osy baǵdarlama aiasynda partiia Úkimetpen birlesip «Aýyl amanaty» jobasyn júzege asyrýda.
https://dalanews.kz/news/81242-ministr-saiasat-nurbek-qazuu-ga-keldi
https://dalanews.kz/bas-takyryp/81213-toqaev-rim-papasy-franciskke-alemdik
