مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا شارۋالاردىڭ ٶزارا ۇجىمداسۋى اۋىل شارۋاشىلىعىن دامىتۋعا جول اشاتىنىن اتاپ ٶتكەن بولاتىن.
– بٸز وسىنداي پيلوتتىق جوبانى جٷزەگە اسىردىق. وعان قاتىسقان اۋىل شارۋاشىلىعى كووپەراتيۆتەرٸنٸڭ ەگٸنٸ ەكٸ ەسە ارتىق ٶنٸم بەرگەن. ال, مال باسى شامامەن 25 پايىزعا كٶبەيگەن. ەر ٶڭٸردٸڭ ەرەكشەلٸگٸن ەسكەرە وتىرىپ, وڭ تەجٸريبەنٸ بٷكٸل ەلگە بٸرتٸندەپ تاراتۋ قاجەت, – دەپ اتاپ ٶتتٸ پرەزيدەنت.
«اۋىل اماناتى» جوبالىق كەڭسەسٸ حاتشىلىعىنىڭ باسشىسى نۇركەن شاربيەۆتٸڭ ايتۋىنشا, ەل تۇرعىندارىنىڭ تابىسىن ارتتىرۋ مەسەلەسٸن شەشۋ «AMANAT» پارتيياسىنىڭ نەگٸزگٸ باسىمدىقتارىنىڭ بٸرٸ بولىپ سانالادى.
– اۋىلدا 7,7 ملن ادام تۇرادى. بۇل حالىقتىڭ جالپى سانىنىڭ 41%-ى. بىلتىرعى دەرەككە سەيكەس, اۋىل جەنە قالا تۇرعىندارىنىڭ اقشالاي تابىسىنىڭ ايىرماشىلىعى 38%-دى قۇرايدى. «اۋىل اماناتى» جوباسى وسى ولقىلىقتىڭ ورنىن تولتىرۋدى كٶزدەيدٸ. اۋىل تۇرعىندارىنىڭ تابىسىن, ەل-اۋقاتىن جەنە ٶمٸر سٷرۋ ساپاسىن ارتتىرۋعا كٶمەكتەسۋگە تىرىسامىز. جوبانىڭ ماقساتى مەن مٸندەتٸن تٷسٸندٸرۋ ٷشٸن كەڭ اۋقىمدى 40 كٷندٸك اقپاراتتىق مارافون ٶتكٸزدٸك. موبيلدٸ توپ قۇرامىنداعى ترەنەرلەرٸمٸز 28 شٸلدە مەن 10 قىركٷيەك ارالىعىندا رەسپۋبليكاداعى 179 اۋداننىڭ 425 اۋىلى مەن اۋىلدىق وكرۋگٸندە 250 مىڭ ازاماتتى قامتىعان كەزدەسۋلەر ٶتكٸزدٸ, – دەدٸ ول.
شىعىس قازاقستان وبلىسى نوۆوپوكروۆكا اۋىلىنداعى مۋشاحيرا تٶلەباەۆا ەسٸمدٸ كٶپبالالى انا جوباعا ٷلكەن ٷمٸت ارتىپ وتىر.
– جىلىجاي شارۋاشىلىعىم بار. وندا قييار, قىزاناق جەنە تاعى باسقانى ٶسٸرەمٸز. الايدا بيىل قۇرعاقشىلىق بولدى. جاڭبىر جاۋعان جوق. باقشانى اۋىز سۋمەن سۋارامىز. سۋ جيناپ جاتقان كەزدە اۋىل تۇرعىندارى سۋسىز قالادى. جىلىجايعا ٷنەمٸ كٷتٸم قاجەت بولعاندىقتان, كەيدە تٸپتٸ ٸشەرگە سۋ تاپپاي قالامىز. بىلتىر 520 مىڭ تەڭگەنٸ قۇرايتىن گرانت ۇتىپ, سول قاراجاتقا تامشىلاتىپ سۋارۋ تاسپاسىن ساتىپ الدىم. كەيٸن شاعىن كونسەرۆٸلٸ تسەح اشۋ يدەياسى پايدا بولىپ, تاعى دا گرانت ۇتتىم. ارنايى بيزنەس-جوسپار قۇردىم. الايدا قايدا بارىپ, كٸمنەن نە سۇراۋ كەرەكتٸگٸن بٸلمەيسٸڭ. «اۋىل اماناتى» جوباسى ارقىلى كەسٸبٸمدٸ ەرٸ قاراي دامىتا الامىن دەپ ويلايمىن, – دەدٸ ول.
پارتييالىقتار اتاپ ٶتكەندەي, 2019 جىلدان باستاپ تابىستى ارتتىرۋ باعدارلاماسى جٷزەگە اسىرىلىپ جاتقان جامبىل وبلىسىنىڭ وڭ تەجٸريبەسٸ اۋىل تۇرعىندارىن باعدارلاماعا قاتىسۋعا ىنتالاندىرۋى تيٸس. مەسەلەن, وسى ٶڭٸرگە رەسپۋبليكالىق بيۋدجەتتەن 7,2 ملرد تەڭگە بٶلٸندٸ. جوباعا قاتىسۋعا 11 اۋىلدىق وكرۋگ ٸرٸكتەلدٸ. وسىلايشا, اتاۋلى ەلەۋمەتتٸك كٶمەك الۋشىلاردىڭ سانى 3 ەسەگە قىسقارىپ, اتالعان اۋىلداردا ورتاشا ايلىق تابىس مٶلشەرٸ 1,7 ەسەگە ۇلعايدى. جۇمىسسىزدار سانى 36%-عا ازايدى. ميكروكرەديتتەر بويىنشا, 60 كٷننەن استام مەرزٸمٸ ٶتكەن تٶلەمدەر بولمادى.
ماماندانۋعا اۋىلدىق وكرۋگ ەكٸمدەرٸ كٶمەكتەسەدٸ. ول ٷشٸن «AMANAT» پارتيياسىنىڭ ساياسي مەنەدجمەنت اكادەميياسى اۋىل, اۋىلدىق وكرۋگ ەكٸمدەرٸنە جەنە «AMANAT»-تىڭ اۋماقتىق فيليالدارىنىڭ اتقارۋشى حاتشىلارىنا ارنايى كۋرستار ٶتكٸزدٸ. حالىقتىڭ ەكونوميكالىق بەلسەندٸلٸگٸن ارتتىرۋ سالاسىندا 2346 ادام بٸلٸمٸن جەتٸلدٸردٸ.
– كووپەراتيۆ قۇرۋ جەنە ٶتكٸزۋ تٸزبەگٸن قالىپتاستىرۋ بويىنشا ترەنينگتەر ٶتكٸزٸلدٸ. ادامدار جەكەلەي جۇمىس ٸستەي الاتىنىن, سونداي-اق اۋىل شارۋاشىلىعى كووپەراتيۆٸنە بٸرٸگە الاتىنىن تٷسٸندٸردٸك. بۇل قادام شىعىندى ازايتادى. مىسالى, جەمدٸ نارىقتاعى باعادان 40-50%-عا ارزان باعامەن ساتىپ الۋعا بولادى. جەر جىرتۋ, قوقىس شىعارۋ كەزٸندە دە ارنايى تەحنيكانىڭ قىزمەت قۇنى تٶمەندەيدٸ. كووپەراتيۆتەر تەحنيكانى ليزينگكە وڭاي الا الادى. وبلىس ەكٸمدٸكتەرٸ كووپەراتيۆتەرگە كەسٸبي اگرونومداردىڭ, ۆەتەرينارلاردىڭ, مەحانيزاتورلار مەن زووتەحنيكتەردٸڭ قاتىسۋىن قامتاماسىز ەتەدٸ, – دەدٸ جوبالىق كەڭسە حاتشىلىعى باسشىسىنىڭ ورىنباسارى اقمارال بەكمۇرزاەۆا.
اتاپ ايتقاندا, باتىس قازاقستان وبلىسى تاسقالا اۋدانى اقتاۋ اۋىلدىق وكرۋگٸنٸڭ ەكٸمٸ نۇرسەيٸت بەلگين العان بٸلٸمٸن ٸس جٷزٸندە قولدانىپ ٷلگەردٸ.
– اۋدانىمىزدىڭ ەلەۋەتٸن, قانداي ٶندٸرٸستٸ ٸسكە قوسا الاتىنىمىزدى ايقىندادىق. نەتيجەسٸندە, تۇرعىنداردىڭ بٸرٸ ٶز قاراجاتىنا تازا اۋىز سۋ تسەحىنىڭ قۇرىلىسىن باستادى. جۇمىس اياقتالعاننان كەيٸن ول وبلىس جەنە جاقىن شەتەل تۇرعىندارىن ساپاسى جوعارى تازا اۋىز سۋمەن قامتاماسىز ەتۋدٸ جوسپارلاپ وتىر. ٶندٸرٸس ورنى اقتاۋ اۋىلىندا تٸركەلدٸ. وسىلايشا, اۋىلدىڭ سالىق بازاسى كەڭەيەدٸ. 10 ادام تۇراقتى جۇمىسپەن قامتىلادى, – دەدٸ ول.
ەستەرٸڭٸزگە سالا كەتەيٸك, مەملەكەت باسشىسىنىڭ تاپسىرماسىنا سەيكەس, بيىل سەۋٸردە «حالىقتىڭ تابىسىن ارتتىرۋدىڭ 2025 جىلعا دەيٸن باعدارلاماسى» بەكٸتٸلدٸ. اۋىل تۇرعىندارىنىڭ جىلدىق مٶلشەرلەمەسٸ 2,5%-دى قۇرايتىن جەڭٸلدەتٸلگەن نەسيە الۋىنا, كووپەراتيۆ قۇرۋ جەنە تەحنيكانى ليزينگكە رەسٸمدەۋ كەزٸندە كٶمەك الۋىنا مٷمكٸندٸك پايدا بولادى. وسى باعدارلاما اياسىندا پارتييا ٷكٸمەتپەن بٸرلەسٸپ «اۋىل اماناتى» جوباسىن جٷزەگە اسىرۋدا.
https://dalanews.kz/news/81242-ministr-saiasat-nurbek-qazuu-ga-keldi
https://dalanews.kz/bas-takyryp/81213-toqaev-rim-papasy-franciskke-alemdik
