Astana qalasynyń ákimi Jeńis Qasymbek búgin elorda «Amanat» partiiasynyń keńsesinde turǵyndaryn qabyldap, olardyń oi-paiymyna nazar aýdardy, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
– Búgin «Amanat» partiiasynyń elordalyq filialy bazasynda azamattardy qabyldadym. Qabyldaýda turǵyndar negizinen turǵyn úi, áleýmettik nysandar salý, meditsinalyq jáne áleýmettik kómek, abattandyrý syndy máseleler sóz boldy.
Máselen, turǵyn úi máselesi oń baǵytta sheshý úshin birneshe baǵytta jumystar júrip jatyr. Naqtyraq aitqanda, kezekte turǵandarǵa arnalǵan áleýmettik páterlerdiń qurylysy, apatty jaǵdaidaǵy jáne tozyǵy jetken turǵyn úilerdi buzý, qurylysy uzaqqa sozylǵan turǵyn úi keshenderin aiaqtaý, úilerdi jóndeý.
Sonymen qatar, áleýmettik nysandar (mektepter, sport jáne meditsina nysandary) qurylysynyń kólemi ulǵaia tústi. Biyl 170-ke jýyq aýla men qoǵamdyq keńistikti abattandyramyz. Olardyń bir bóligi qazirdiń ózinde aiaqtaldy.
Azamattardy qabyldaý barysynda kóterilgen máselelerdi sheshý barysyn baqylaýda ustaimyz, – dedi Jeńis Qasymbek.
