استانا قالاسىنىڭ اكىمى جەڭىس قاسىمبەك بۇگىن ەلوردا «Amanat» پارتياسىنىڭ كەڭسەسىندە تۇرعىندارىن قابىلداپ، ولاردىڭ وي-پايىمىنا نازار اۋداردى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.
– بۇگىن «Amanat» پارتياسىنىڭ ەلوردالىق فيليالى بازاسىندا ازاماتتاردى قابىلدادىم. قابىلداۋدا تۇرعىندار نەگىزىنەن تۇرعىن ءۇي، الەۋمەتتىك نىساندار سالۋ، مەديسينالىق جانە الەۋمەتتىك كومەك، اباتتاندىرۋ سىندى ماسەلەلەر ءسوز بولدى.
ماسەلەن، تۇرعىن ءۇي ماسەلەسى وڭ باعىتتا شەشۋ ءۇشىن بىرنەشە باعىتتا جۇمىستار ءجۇرىپ جاتىر. ناقتىراق ايتقاندا، كەزەكتە تۇرعاندارعا ارنالعان الەۋمەتتىك پاتەرلەردىڭ قۇرىلىسى، اپاتتى جاعدايداعى جانە توزىعى جەتكەن تۇرعىن ۇيلەردى بۇزۋ، قۇرىلىسى ۇزاققا سوزىلعان تۇرعىن ءۇي كەشەندەرىن اياقتاۋ، ۇيلەردى جوندەۋ.
سونىمەن قاتار، الەۋمەتتىك نىساندار (مەكتەپتەر، سپورت جانە مەديسينا نىساندارى) قۇرىلىسىنىڭ كولەمى ۇلعايا ءتۇستى. بيىل 170-كە جۋىق اۋلا مەن قوعامدىق كەڭىستىكتى اباتتاندىرامىز. ولاردىڭ ءبىر بولىگى ءقازىردىڭ وزىندە اياقتالدى.
ازاماتتاردى قابىلداۋ بارىسىندا كوتەرىلگەن ماسەلەلەردى شەشۋ بارىسىن باقىلاۋدا ۇستايمىز، – دەدى جەڭىس قاسىمبەك.
