Qazyǵurt aýdany, Qaqpaq aýyldyq okrýgi men Saryaǵash aýdany, Baǵys eldi mekenine barǵan «AMANAT» partiiasy Túrkistan oblystyq filialy Atqarýshy hatshysynyń orynbasary P.Tursynbaev, oblystyq máslihat depýtaty Gúlbahira Tájibaeva jáne aýdandyq máslihat depýtattary qoǵamdyq-saiasi ahýalmen tanysyp, jergilikti turǵyndarmen kezdesti. Baǵys eldi mekenindegi ahýal turaqty. Jaýyn saldarynan bolǵan shyǵyndar áli anyqtalýda.
Al Qazyǵurt aýdanyndaǵy 4 eldi mekenge qol ushyn berý úshin óńirdiń ár aýmaǵynan jáne Shymkent qalasynan 100-den astam erikti jas jinaldy. Olar sý basqan turǵyn úilerdiń aýlasy men qora-jailardy, kóshelerdi lai-batpaqtardan tazalaý jumystaryna atsalysýda. Atap aitqanda Túrkistan men Arys qalasy, Keles, Tólebi, Saryaǵash, Maqtaaral, Sairam aýdandary, sondai-aq Shymkent qalasynyń eriktileri aýyl turǵyndaryna demeý bildirýde. Oblystyq partiia filialy janyndaǵy jastar qanatynyń tóraǵasy J.Jumannyń aitýynsha, volonterlik jumystar jalǵasady.
