قازىعۇرت اۋدانى، قاقپاق اۋىلدىق وكرۋگى مەن سارىاعاش اۋدانى، باعىس ەلدى مەكەنىنە بارعان «AMANAT» پارتياسى تۇركىستان وبلىستىق فيليالى اتقارۋشى حاتشىسىنىڭ ورىنباسارى پ.تۇرسىنبايەۆ، وبلىستىق ءماسليحات دەپۋتاتى گۇلباحيرا تاجىبايەۆا جانە اۋداندىق ءماسليحات دەپۋتاتتارى قوعامدىق-ساياسي احۋالمەن تانىسىپ، جەرگىلىكتى تۇرعىندارمەن كەزدەستى. باعىس ەلدى مەكەنىندەگى احۋال تۇراقتى. جاۋىن سالدارىنان بولعان شىعىندار ءالى انىقتالۋدا.
ال قازىعۇرت اۋدانىنداعى 4 ەلدى مەكەنگە قول ۇشىن بەرۋ ءۇشىن ءوڭىردىڭ ءار اۋماعىنان جانە شىمكەنت قالاسىنان 100-دەن استام ەرىكتى جاس جينالدى. ولار سۋ باسقان تۇرعىن ۇيلەردىڭ اۋلاسى مەن قورا-جايلاردى، كوشەلەردى لاي-باتپاقتاردان تازالاۋ جۇمىستارىنا اتسالىسۋدا. اتاپ ايتقاندا تۇركىستان مەن ارىس قالاسى، كەلەس، تولەبي، سارىاعاش، ماقتاارال، سايرام اۋداندارى، سونداي-اق شىمكەنت قالاسىنىڭ ەرىكتىلەرى اۋىل تۇرعىندارىنا دەمەۋ بىلدىرۋدە. وبلىستىق پارتيا فيليالى جانىنداعى جاستار قاناتىنىڭ ءتوراعاسى ج.جۇماننىڭ ايتۋىنشا، ۆولونتەرلىك جۇمىستار جالعاسادى.
تۇركىستان وبلىستىق توتەنشە جاعدايلار دەپارتامەنتىنىڭ مالىمدەۋىنشە 53 ءۇيدىڭ اۋلاسىنا، 18 ءۇي، 1 مەيرامحانا مەن 16 عيماراتقا سۋ كىرگەن. دەپارتامەنتتىڭ 56 جانە جەرگىلىكتى اكىمدىكتىڭ 19 قىزمەتكەرى جۇمىلدىرىلىپ، 15 تەحنيكا مەن 13 موتوپومپا تارتىلعان. ارنايى تەحنيكا كومەگىمەن جاۋىن سۋلارىن شىعارۋ جۇمىستارى جالعاسۋدا. قازگيدرومەتتىڭ بولجامى بويىنشا بۇگىن تۇندە وڭىردەگى تاۋلى ايماقتاردا نوسەر-جاۋىن كۇتىلەدى.
