Búgin Almaty oblysy Tarǵap aýyly tusyndaǵy kemping-alańda aýqymdy ekologiialyq bastama – «Taza Qazaqstan» road-estafetasynyń ashylý saltanaty ótti. Bir aptaǵa jalǵasatyn aýqymdy is-shara barysynda qatysýshylar Almaty, Shymkent qalalary jáne Jambyl, Túrkistan, Qyzylorda oblystary arqyly myń shaqyrymnan astam joldy eńseredi. Jobaǵa «Jastar Rýhy» jastar qanatynyń myńdaǵan belsendisi men jergilikti turǵyndar atsalysady. Aktsiianyń basty maqsaty – qoǵamda jańa ekologiialyq mádeniet qalyptastyrý, tabiǵat pen tarihi muraǵa qurmetpen qaraý jáne azamattardyń qorshaǵan orta aldyndaǵy jaýapkershiligin arttyrý,- dep habarlaidy Dalanews.kz
«AMANAT» partiiasynyń Atqarýshy hatshysy Dáýlet Káribek óz sózinde jahandyq ǵylymi qaýymdastyq ondaǵan jyldan beri klimattyń ózgerýi, sý tapshylyǵy, aýanyń lastanýy, orman órti, topyraqtyń qunarsyzdanýy siiaqty ekologiialyq apat qaýpi týraly dabyl qaǵyp kele jatqanyn atap ótti. Alaida qorshaǵan ortany qorǵaýda tek memleket kúshiniń jetkiliksiz ekeni aiqyn, bul – árbir azamattyń mindeti. Sondyqtan «AMANAT» partiiasy road-estafeta arqyly ár qazaqstandyqtyń tabiǵat pen tarihi murany qorǵaýǵa úles qosa alatynyn, al birlesip áreket etsek, ekologiialyq apattyń aldyn alyp, eldi bolashaq urpaq úshin jasyl ári qaýipsiz etip saqtai alatynymyzdy kórsetedi.
«Memleket basshysy Qasym-Jomart Toqaev atap ótkendei, «Taza Qazaqstan» bul – bir kúndik naýqan emes, bul – bizdiń ómir saltymyz, sondyqtan tazalyq ár adamnan, ár úiden, árbir kóshe men ár qaladan bastalýy kerek. Osy sózder bizdiń ideialyq tuǵyrnamamyzǵa ainaldy. Qoǵamda tabiǵatqa, tarih pen mádenietke, jalpy qorshaǵan ortaǵa uqypty qaraý ádetin ornyqtyrý qajet. Jastardyń boiyna naǵyz ekologiialyq patriotizmdi sińirip, jaýapty minez-qulyq qalyptastyrý – bizdiń basty maqsatymyz», – dedi ol.
Uiymdastyrýshylardyń aitýynsha, estafeta aiasynda tek qoqys jinaý ǵana emes, depýtattardyń halyqpen kezdesýleri, jastarǵa arnalǵan open-air is-sharalary, qoǵamdyq qabyldaýlar jáne taza aýada «Chempiondyq rýh» jattyǵýlary ótedi. Sonymen qatar «Vandalizmge jol joq!» jobasy sheńberinde «Tulǵalar tuǵyry» memorialdyq kesheni, «Aqyrtas» sarai kesheni, «Birlik» monýmenti jáne ejelgi Saýran qalashyǵy siiaqty tarihi nysandar tazartylyp, abattandyrylady. Osylaisha road-estafeta tabiǵatty qorǵaý, mádeni murany saqtaý jáne ekologiialyq patriotizmdi qalyptastyrý mindetterin toǵystyrady.
«Buǵan qosa, aktsiiamyz mádeni-aǵartýshylyq missiiasyn da atqarady. Jastar mundai jumystar arqyly tarihty tereńirek tanyp qana qoimai, tabiǵat pen mádeni muraǵa qurmetpen qaraýdy úirenedi. Sebebi kez kelgen eskertkishti búldirý – halyqtyń tarihi jadyna qastandyq jasaýmen teń. Osydan eki jyl buryn «Jastar Rýhy» jastar qanaty vandalizmge qarsy qoǵamdyq petitsiiany qoldaǵan bolatyn. Keiin sol bastama vandalizmge qarsy jaýapkershilikti kúsheitetin zańnyń negizine ainalyp, oǵan ótken jyly Memleket basshysy qol qoidy», – dedi «Jastar Rýhy» tóraǵasy Aqerke Iskanderova.
Óz kezeginde Májilis depýtaty, «AMANAT» partiiasy fraktsiiasynyń múshesi Nikita Shatalov Prezidenttiń «Taza Qazaqstan» bastamasy aiasyndaǵy ekologiialyq estafetanyń qoǵamdyq mańyzyna toqtaldy.
«Bul estafetaǵa depýtattar da, jastar da, volonterler men jergilikti qaýym ókilderi de birdei atsalysýda. Barlyǵynyń maqsaty – tabiǵattyń tazalyǵyn saqtaý, tarihi-mádeni murany qorǵaý. Osyndai igi bastamalar jańa ekologiialyq mádenietti qalyptastyryp, el ishinde patriotizm men aýyzbirshilikti arttyra túsedi. Bul – árbir azamatty eldiń keleshegine jaýapkershilikpen qaraýǵa úndeitin qozǵalys», – dedi halyq qalaýlysy.
Aktsiia aiasynda belsendiler men volonterler jol jiegin, avtoturaqtar men kemping aýmaqtaryn tazalaidy. Jumys kvadrokopterler arqyly júrgizilgen aerobarlaý derekterine súiene otyryp uiymdastyrylady. Jinalǵan qoqys poligondarǵa jetkiziledi.
«Qazaqstan – ulan-ǵaiyr dalasy bar, tabiǵaty ár alýan memleket. Keń baitaq jeri men qaitalanbas tabiǵatymen tańǵaldyratyn el. Biraq osynaý keń kósilgen baitaq jerimizde qoqys úiindileri kózge túsip, ásem tabiǵattyń ajaryn ketirip jatady. Ótken jyly «Jastar Rýhy» jastar qanatynyń 2 myńnan astam belsendisi men jaqtastary Astanadan Almatyǵa deiingi 1200 shaqyrymdyq joldy júrip ótip, 100 tonna qoqys jinady. Biylǵy mindet – tek qoqys jinap qana qoimai, ony suryptap, eldiń ekologiialyq mádenietin damytýǵa úles qosý. Bul igi iske ár qazaqstandyq úles qosa alady. Respýblikamyzdy birge taza ári jaily mekenge ainaldyraiyq», – dedi «Qoǵamdy ekologiialyq damytý ortalyǵy» qoǵamdyq qorynyń jetekshisi Tanir Iassa.
Aita keteiik, «Taza beisenbi» aktsiiasy aiasynda «AMANAT» partiiasynyń músheleri men «Jastar Rýhy» belsendileri bir jarym jylǵa jetpeitin ýaqytta 1000-nan astam lastanǵan aýmaqty tazartyp, abattandyrdy. Is-sharalarǵa 90 myńǵa jýyq adam qatysyp, 160 myń tonnadan astam qoqys shyǵaryldy.
Ekologiialyq máselelerdi sheshý – «AMANAT» partiiasynyń sailaýaldy baǵdarlamasyndaǵy mańyzdy basymdyqtardyń biri. 2027 jylǵa deiin turmystyq qatty qaldyqtardy qaita óńdeý jáne kádege jaratý úlesin 36%-ǵa deiin arttyrý, Jaiyq ózeniniń ekojúiesin qalpyna keltirý, Balqash kóline turaqty sý aǵynyn qamtamasyz etý, aýa sapasynyń indeksin engizý, kásiporyndardyń lastaýshy zattar shyǵaryndylaryn 40%-ǵa deiin tómendetý, sondai-aq 14 jańa sý qoimasyn salý jáne qoldanystaǵy 16 qoimany qaita jańǵyrtý josparlanǵan.
