بٷگٸن الماتى وبلىسى تارعاپ اۋىلى تۇسىنداعى كەمپينگ-الاڭدا اۋقىمدى ەكولوگييالىق باستاما – «Taza Qazaqstan» road-ەستافەتاسىنىڭ اشىلۋ سالتاناتى ٶتتٸ. بٸر اپتاعا جالعاساتىن اۋقىمدى ٸس-شارا بارىسىندا قاتىسۋشىلار الماتى, شىمكەنت قالالارى جەنە جامبىل, تٷركٸستان, قىزىلوردا وبلىستارى ارقىلى مىڭ شاقىرىمنان استام جولدى ەڭسەرەدٸ. جوباعا «جاستار رۋحى» جاستار قاناتىنىڭ مىڭداعان بەلسەندٸسٸ مەن جەرگٸلٸكتٸ تۇرعىندار اتسالىسادى. اكتسييانىڭ باستى ماقساتى – قوعامدا جاڭا ەكولوگييالىق مەدەنيەت قالىپتاستىرۋ, تابيعات پەن تاريحي مۇراعا قۇرمەتپەن قاراۋ جەنە ازاماتتاردىڭ قورشاعان ورتا الدىنداعى جاۋاپكەرشٸلٸگٸن ارتتىرۋ,- دەپ حابارلايدى Dalanews.kz
«AMANAT» پارتيياسىنىڭ اتقارۋشى حاتشىسى دەۋلەت كەرٸبەك ٶز سٶزٸندە جاھاندىق عىلىمي قاۋىمداستىق ونداعان جىلدان بەرٸ كليماتتىڭ ٶزگەرۋٸ, سۋ تاپشىلىعى, اۋانىڭ لاستانۋى, ورمان ٶرتٸ, توپىراقتىڭ قۇنارسىزدانۋى سيياقتى ەكولوگييالىق اپات قاۋپٸ تۋرالى دابىل قاعىپ كەلە جاتقانىن اتاپ ٶتتٸ. الايدا قورشاعان ورتانى قورعاۋدا تەك مەملەكەت كٷشٸنٸڭ جەتكٸلٸكسٸز ەكەنٸ ايقىن, بۇل – ەربٸر ازاماتتىڭ مٸندەتٸ. سوندىقتان «AMANAT» پارتيياسى road-ەستافەتا ارقىلى ەر قازاقستاندىقتىڭ تابيعات پەن تاريحي مۇرانى قورعاۋعا ٷلەس قوسا الاتىنىن, ال بٸرلەسٸپ ەرەكەت ەتسەك, ەكولوگييالىق اپاتتىڭ الدىن الىپ, ەلدٸ بولاشاق ۇرپاق ٷشٸن جاسىل ەرٸ قاۋٸپسٸز ەتٸپ ساقتاي الاتىنىمىزدى كٶرسەتەدٸ.
«مەملەكەت باسشىسى قاسىم-جومارت توقاەۆ اتاپ ٶتكەندەي, «تازا قازاقستان» بۇل – بٸر كٷندٸك ناۋقان ەمەس, بۇل – بٸزدٸڭ ٶمٸر سالتىمىز, سوندىقتان تازالىق ەر ادامنان, ەر ٷيدەن, ەربٸر كٶشە مەن ەر قالادان باستالۋى كەرەك. وسى سٶزدەر بٸزدٸڭ يدەيالىق تۇعىرنامامىزعا اينالدى. قوعامدا تابيعاتقا, تاريح پەن مەدەنيەتكە, جالپى قورشاعان ورتاعا ۇقىپتى قاراۋ ەدەتٸن ورنىقتىرۋ قاجەت. جاستاردىڭ بويىنا ناعىز ەكولوگييالىق پاتريوتيزمدٸ سٸڭٸرٸپ, جاۋاپتى مٸنەز-قۇلىق قالىپتاستىرۋ – بٸزدٸڭ باستى ماقساتىمىز», – دەدٸ ول.
ۇيىمداستىرۋشىلاردىڭ ايتۋىنشا, ەستافەتا اياسىندا تەك قوقىس جيناۋ عانا ەمەس, دەپۋتاتتاردىڭ حالىقپەن كەزدەسۋلەرٸ, جاستارعا ارنالعان open-air ٸس-شارالارى, قوعامدىق قابىلداۋلار جەنە تازا اۋادا «چەمپيوندىق رۋح» جاتتىعۋلارى ٶتەدٸ. سونىمەن قاتار «ۆانداليزمگە جول جوق!» جوباسى شەڭبەرٸندە «تۇلعالار تۇعىرى» مەموريالدىق كەشەنٸ, «اقىرتاس» ساراي كەشەنٸ, «بٸرلٸك» مونۋمەنتٸ جەنە ەجەلگٸ ساۋران قالاشىعى سيياقتى تاريحي نىساندار تازارتىلىپ, اباتتاندىرىلادى. وسىلايشا road-ەستافەتا تابيعاتتى قورعاۋ, مەدەني مۇرانى ساقتاۋ جەنە ەكولوگييالىق پاتريوتيزمدٸ قالىپتاستىرۋ مٸندەتتەرٸن توعىستىرادى.
«بۇعان قوسا, اكتسييامىز مەدەني-اعارتۋشىلىق ميسسيياسىن دا اتقارادى. جاستار مۇنداي جۇمىستار ارقىلى تاريحتى تەرەڭٸرەك تانىپ قانا قويماي, تابيعات پەن مەدەني مۇراعا قۇرمەتپەن قاراۋدى ٷيرەنەدٸ. سەبەبٸ كەز كەلگەن ەسكەرتكٸشتٸ بٷلدٸرۋ – حالىقتىڭ تاريحي جادىنا قاستاندىق جاساۋمەن تەڭ. وسىدان ەكٸ جىل بۇرىن «جاستار رۋحى» جاستار قاناتى ۆانداليزمگە قارسى قوعامدىق پەتيتسييانى قولداعان بولاتىن. كەيٸن سول باستاما ۆانداليزمگە قارسى جاۋاپكەرشٸلٸكتٸ كٷشەيتەتٸن زاڭنىڭ نەگٸزٸنە اينالىپ, وعان ٶتكەن جىلى مەملەكەت باسشىسى قول قويدى», – دەدٸ «جاستار رۋحى» تٶراعاسى اقەركە يسكاندەروۆا.
ٶز كەزەگٸندە مەجٸلٸس دەپۋتاتى, «AMANAT» پارتيياسى فراكتسيياسىنىڭ مٷشەسٸ نيكيتا شاتالوۆ پرەزيدەنتتٸڭ «تازا قازاقستان» باستاماسى اياسىنداعى ەكولوگييالىق ەستافەتانىڭ قوعامدىق ماڭىزىنا توقتالدى.
«بۇل ەستافەتاعا دەپۋتاتتار دا, جاستار دا, ۆولونتەرلەر مەن جەرگٸلٸكتٸ قاۋىم ٶكٸلدەرٸ دە بٸردەي اتسالىسۋدا. بارلىعىنىڭ ماقساتى – تابيعاتتىڭ تازالىعىن ساقتاۋ, تاريحي-مەدەني مۇرانى قورعاۋ. وسىنداي يگٸ باستامالار جاڭا ەكولوگييالىق مەدەنيەتتٸ قالىپتاستىرىپ, ەل ٸشٸندە پاتريوتيزم مەن اۋىزبٸرشٸلٸكتٸ ارتتىرا تٷسەدٸ. بۇل – ەربٸر ازاماتتى ەلدٸڭ كەلەشەگٸنە جاۋاپكەرشٸلٸكپەن قاراۋعا ٷندەيتٸن قوزعالىس», – دەدٸ حالىق قالاۋلىسى.
اكتسييا اياسىندا بەلسەندٸلەر مەن ۆولونتەرلەر جول جيەگٸن, اۆتوتۇراقتار مەن كەمپينگ اۋماقتارىن تازالايدى. جۇمىس كۆادروكوپتەرلەر ارقىلى جٷرگٸزٸلگەن اەروبارلاۋ دەرەكتەرٸنە سٷيەنە وتىرىپ ۇيىمداستىرىلادى. جينالعان قوقىس پوليگوندارعا جەتكٸزٸلەدٸ.
«قازاقستان – ۇلان-عايىر دالاسى بار, تابيعاتى ەر الۋان مەملەكەت. كەڭ بايتاق جەرٸ مەن قايتالانباس تابيعاتىمەن تاڭعالدىراتىن ەل. بٸراق وسىناۋ كەڭ كٶسٸلگەن بايتاق جەرٸمٸزدە قوقىس ٷيٸندٸلەرٸ كٶزگە تٷسٸپ, ەسەم تابيعاتتىڭ اجارىن كەتٸرٸپ جاتادى. ٶتكەن جىلى «جاستار رۋحى» جاستار قاناتىنىڭ 2 مىڭنان استام بەلسەندٸسٸ مەن جاقتاستارى استانادان الماتىعا دەيٸنگٸ 1200 شاقىرىمدىق جولدى جٷرٸپ ٶتٸپ, 100 توننا قوقىس جينادى. بيىلعى مٸندەت – تەك قوقىس جيناپ قانا قويماي, ونى سۇرىپتاپ, ەلدٸڭ ەكولوگييالىق مەدەنيەتٸن دامىتۋعا ٷلەس قوسۋ. بۇل يگٸ ٸسكە ەر قازاقستاندىق ٷلەس قوسا الادى. رەسپۋبليكامىزدى بٸرگە تازا ەرٸ جايلى مەكەنگە اينالدىرايىق», – دەدٸ «قوعامدى ەكولوگييالىق دامىتۋ ورتالىعى» قوعامدىق قورىنىڭ جەتەكشٸسٸ تانير ياسسا.
ايتا كەتەيٸك, «تازا بەيسەنبٸ» اكتسيياسى اياسىندا «AMANAT» پارتيياسىنىڭ مٷشەلەرٸ مەن «جاستار رۋحى» بەلسەندٸلەرٸ بٸر جارىم جىلعا جەتپەيتٸن ۋاقىتتا 1000-نان استام لاستانعان اۋماقتى تازارتىپ, اباتتاندىردى. ٸس-شارالارعا 90 مىڭعا جۋىق ادام قاتىسىپ, 160 مىڭ توننادان استام قوقىس شىعارىلدى.
ەكولوگييالىق مەسەلەلەردٸ شەشۋ – «AMANAT» پارتيياسىنىڭ سايلاۋالدى باعدارلاماسىنداعى ماڭىزدى باسىمدىقتاردىڭ بٸرٸ. 2027 جىلعا دەيٸن تۇرمىستىق قاتتى قالدىقتاردى قايتا ٶڭدەۋ جەنە كەدەگە جاراتۋ ٷلەسٸن 36%-عا دەيٸن ارتتىرۋ, جايىق ٶزەنٸنٸڭ ەكوجٷيەسٸن قالپىنا كەلتٸرۋ, بالقاش كٶلٸنە تۇراقتى سۋ اعىنىن قامتاماسىز ەتۋ, اۋا ساپاسىنىڭ يندەكسٸن ەنگٸزۋ, كەسٸپورىنداردىڭ لاستاۋشى زاتتار شىعارىندىلارىن 40%-عا دەيٸن تٶمەندەتۋ, سونداي-اق 14 جاڭا سۋ قويماسىن سالۋ جەنە قولدانىستاعى 16 قويمانى قايتا جاڭعىرتۋ جوسپارلانعان.
