Monitoring qorytyndysy boiynsha ótken jyly eń qaýipti infektsiialarmen aýyrǵan naýqastar tirkelmegen.
«Tek ótken jyldan beri elimizde qyzylshamen aýyrǵandar sany aitarlyqtai ósip ketti. Ol sońǵy 10 jylda bolmaǵan kórsetkishke jetip otyr. Olardyń 80%-ǵa jýyǵy – 14 jasqa deiingi balalar. Aýyrǵandardyń kópshiligi – tiisti ekpe almaǵandar», – dedi Álihan Smaiylov.
Úkimet basshysy ekpe almaǵan naýqastardyń aýrýy asqynyp ketý qaýpi joǵary ekenin aitty. Degenmen ata-analardyń arasynda balalaryna ekpeni ádeii salǵyzbai, bas tartyp otyrǵandardyń qatary az emes, munyń sońy aýyr zardaptarǵa alyp kelýi múmkin.
«Jaǵdaidy turaqtandyrýdyń jalǵyz joly – ekpe salý. Qyzylshaǵa qarsy jappai immýnizatsiia júrgizý úshin qosymsha 1,5 mln doza vaktsina satyp alyndy. Osy maqsattar úshin Úkimet ótken jyldyń qyrkúiek aiynda rezervten 3 mlrd teńgeden astam qarajat bóldi. Alaida, kórip otyrǵanymyzdai, keibir óńirlerde qyzylshaǵa qarsy immýnizatsiiamen qamtý deńgeii áli de tómen. Jol qatynasy qiyn jáne shalǵaidaǵy aýyl turǵyndaryn vaktsinalaý úshin jaǵdai jasaý kerek», – dedi Úkimet basshysy.
