مونيتورينگ قورىتىندىسى بويىنشا ٶتكەن جىلى ەڭ قاۋٸپتٸ ينفەكتسييالارمەن اۋىرعان ناۋقاستار تٸركەلمەگەن.
«تەك ٶتكەن جىلدان بەرٸ ەلٸمٸزدە قىزىلشامەن اۋىرعاندار سانى ايتارلىقتاي ٶسٸپ كەتتٸ. ول سوڭعى 10 جىلدا بولماعان كٶرسەتكٸشكە جەتٸپ وتىر. ولاردىڭ 80%-عا جۋىعى – 14 جاسقا دەيٸنگٸ بالالار. اۋىرعانداردىڭ كٶپشٸلٸگٸ – تيٸستٸ ەكپە الماعاندار», – دەدٸ ەليحان سمايىلوۆ.
ٷكٸمەت باسشىسى ەكپە الماعان ناۋقاستاردىڭ اۋرۋى اسقىنىپ كەتۋ قاۋپٸ جوعارى ەكەنٸن ايتتى. دەگەنمەن اتا-انالاردىڭ اراسىندا بالالارىنا ەكپەنٸ ەدەيٸ سالعىزباي, باس تارتىپ وتىرعانداردىڭ قاتارى از ەمەس, مۇنىڭ سوڭى اۋىر زارداپتارعا الىپ كەلۋٸ مٷمكٸن.
«جاعدايدى تۇراقتاندىرۋدىڭ جالعىز جولى – ەكپە سالۋ. قىزىلشاعا قارسى جاپپاي يممۋنيزاتسييا جٷرگٸزۋ ٷشٸن قوسىمشا 1,5 ملن دوزا ۆاكتسينا ساتىپ الىندى. وسى ماقساتتار ٷشٸن ٷكٸمەت ٶتكەن جىلدىڭ قىركٷيەك ايىندا رەزەرۆتەن 3 ملرد تەڭگەدەن استام قاراجات بٶلدٸ. الايدا, كٶرٸپ وتىرعانىمىزداي, كەيبٸر ٶڭٸرلەردە قىزىلشاعا قارسى يممۋنيزاتسييامەن قامتۋ دەڭگەيٸ ەلٸ دە تٶمەن. جول قاتىناسى قيىن جەنە شالعايداعى اۋىل تۇرعىندارىن ۆاكتسينالاۋ ٷشٸن جاعداي جاساۋ كەرەك», – دەدٸ ٷكٸمەت باسشىسى.
