Astanadaǵy Eýraziia ulttyq ýniversitetinde Alash kósemi Álihan Bókeihannyń 150 jyldyq mereitoiyna arnalǵan «Álihan Bókeihan jáne táýelsizdik muraty» atty halyqaralyq konferentsiia bastaldy dep habarlaidy BAQ.KZ tilshisi.
Aita keterligi, Á.Bókeihannyń mereitoiy IýNESKO kóleminde toilanyp jatyr. Shara eki kúnge josparlanǵan. Mereitoiydyń búgingi bastamasy retinde plenarlyq májilis boldy. Jiyn ýniversitet rektory Erlan Sydyqovtyń quttyqtaý sózimen bastaldy. Ary qarai Senat depýtattary men Mádeniet jáne sport ministrliginiń jaýapty hatshysy Qýatjan Ýáliev, Qazaqstannyń IýNESKO-daǵy ókili men Túrkiia, Japoniia elshileriniń quttyqtaýlarymen jalǵasyn tapty.
Kelesi kezekte ǵalymdar Alashqa qatysty alýan taqyrypty baiandamalaryn kópshilik nazaryna usyndy. Solardyń qatarynda minberge shyqqan Alash zertteýshisi, ǵalym Sultan Han Aqquly tyń aqparattarymen bólisti.
Biraz buryn, Senat depýtattarynyń Á.Bókeihannyń tarihi tulǵasyn kórnekilendirý boiynsha úkimetke joldaǵan saýalyna vitse-premer Dáriǵa Nazarbaeva jaýap qaitarypty. Onda – Astana qalasynyń sol jaǵalaýyna oryn tepken mektepterdiń birine Álihannyń atyn berý, ekertkishin ornatý jáne saiabaq ashý máselesi belgilengen tártippen pysyqtalýda delingen. Máskeý qalasyndaǵy Á.Bókeihannyń topyraǵyn Astanadaǵy ulttyq panteonǵa jerleýdi pysyqtaý jóninde Syrtqy ister ministrligi men Mádeniet jáne sport ministrligine tiisti tapsyrmalar berilgen. Á.Bókeihanov týraly film túsirý, memorialdyq keshen ornatý jáne Qaraǵandy qalasynyń ortalyq kósheleriniń birine tarihi tulǵanyń esimin berý jóninde Mádeniet jáne sport ministrligi men Qaraǵandy oblysynyń ákimdigine tiisti sharalar qabyldaýǵa bailanysty tapsyrmalar berilipti.
Sonymen qatar, ótken jyldyń jeltoqsan aiynda IýNESKO-nyń 38 sessiiasynda Álihan týraly arnaiy qarar qabyldanǵan soń, Eýraziia ulttyq ýniversitetiniń bastamasymen eldegi alashtanýshy ǵalymdar bas qosyp, mereitoi ótkizýge bailanysty aqyldasý jiynyn ótkizip, jospar belgilegen. Soǵan orai, Ulttyq bank tarapynan Álihannyń portreti salynǵan moneta shyǵarý, Qazposhta tarapynan marka ázirleý usynystary aitylǵan. Búginde poshta markasy shyǵarylý ústinde eken. Al, Ulttyq bankten áli jaýap joq kórinedi.
Sonymen birge, Almaty qalasyndaǵy, Qazaqstan tarihyndaǵy tuńǵysh metropolitenge, Almatydaǵy Qazaq ulttyq agrarlyq ýniversitetine nemese Astanadaǵy ulttyq ýniversitetterdiń birine Álihannyń esimin berý Jáne Álihan týraly kóp serialy film túsirý usynystary aitylypty. Ǵalym osy usynystardy Qazaqstannyń IýNESKO, ISESKO-nyń ókilderi men Mádeniet jáne sport ministrligi eskerse degen tilegin bildirdi.
.jpg)
Sol jaqtan birinshi turǵan O.Ábdirahmanov
Baiandama kezinde, «Alihan Býkeihan tvorets istorii» atty orys tilindegi monografiianyń birinshi tomynyń tusaýy kesildi. Tusaý keser rásimine Bókeihanov áýletiniń urpaǵy, Álihannyń jaqyn týysy Ortai Ábdirahmanov aqsaqal shaqyryldy. Kitapty shyǵarýǵa qarjylai qoldaý kórsetken Ábdimájit Sydyqbekke jáne osydan biraz buryn úsh tilde shyǵyp, Túrkiianyń Gazi ýniversitetinde tusaýy kesilgen «Álihan Bókeihan» atty kitaptyń shyǵýyna demeýshilik jasaǵan Jeńis Túrkiia myrzaǵa ǵalym alashtanýshylar men kópshilik atynan alǵysyn bildirdi.
M.Almasbek
Foto: Jandos Rahymbekuly
