Baiqaýǵa qazaq ádebietine úles qosyp júrgen jáne shyǵarmalarymen tanylyp kele jatqan 18-35 jas aralyǵyndaǵy qalamger jastardan 150-den asa shyǵarma kelip túsken.
Baiqaý sharttary boiynsha qatysýshylar erkin taqyrypta proza janrynda ertegiler (bastaýysh jáne orta býyn mektep oqýshylaryna arnalǵan) jáne shaǵyn áńgimeler (jasóspirimderge arnalǵan) baǵyttary boiynsha baq synady.
Saltanatty sharanyń shymyldyǵyn túrgen Aqparat jáne qoǵamdyq damý vitse-ministri Daniiar Qadyrov qazaq halqynyń "tárbie tal besikten" degen qaǵidany ustanyp, balanyń bolashaǵyna úlken jaýapkershilikpen qaraǵanyn tilge tiek etti.
"Bala tárbiesiniń zamanaýi quraldary arqyly dástúrimizdi, ulttyq tarih, ádebiet, mádenietimizdi nasihattap, jańǵyrtýymyz kerek», - dedi D.Qadyrov.
Óz kezeginde osy sharany uiymdastyrýǵa uiytqy bolǵan "Qazaqstandyq qoǵamdyq damý institýtynyń" basqarma tóraǵasy Qazybek Maigeldinov biylǵy «Balalar jylynda» balalar jazýshylaryna erekshe kóńil bólinip, olardyń shyǵarmashylyǵyna qýat beretin túrli bastamalar qolǵa alynyp jatqanyn aityp ótti.
"Mundai is-sharanyń biri ári biregeii – QR Aqparat jáne qoǵamdyq damý ministrliginiń qoldaýymen Qazaqstandyq qoǵamdyq damý institýty jáne Jazýshylar odaǵy tuńǵysh ret uiymdastyryp otyrǵan «Altyn saqa» balalar ádebieti shyǵarmalarynyń respýblikalyq baiqaýy.
Baiqaý balalar ádebietin ary qarai damytyp, qazaqstandyq jazýshylarǵa qoldaý kórsetýdi kózdeidi.
Ulttyq sanany tamyrynan úzip almai, jańa zamanǵa sai etip beiimdeýdiń basty tetikteriniń biri – jas urpaqty ulttyq ádebietimizdiń qainar-kózimen sýsyndata bilý óte ózekti. Qazirgi tańda qazaq tilinde balalar ádebieti baǵyty boiynsha jańa esimder kóp emes. Sondyqtan osy jobaǵa erekshe kóńil aýdaryp otyrmyz.
Baiqaýǵa balalardy adamgershilikke, parasattylyqqa, otansúigishtikke, sananyń ashyqtyǵy men ulttyq biregeilikti saqtaýǵa, óskeleń urpaqqa qyzyqty, zamanaýi ári ózekti taqyryptar boiynsha shyǵarmalar kelip tústi. Mundai týyndylar balalardyń ádebietke, shyǵarmashylyqa, kitap oqýǵa degen qyzyǵýshylyǵyn arttyrady degen senimdemiz", – dedi ol.
Institýtynyń tóraǵasynyń toqtalyp ótkenindei mundai baiqaýlar óskeleń urpaqtyń boiynda meiirimdilik, ómirlik maqsat qoiý, ádildik pen eńbekqorlyq siiaqty qundylyqtardy qalyptastyrady.
"Institýtymyzben birlesip uiymdastyrǵan Qazaqstan Jazýshylar odaǵyna, ádil qazy alqasyna jáne baiqaýǵa qatysqan barlyq jas qalamgerlerge tolaǵai tabys tileimin, qalamdaryńyz eshqashan muqalmasyn", – deidi Qazybek Maigeldinov.
Al qazylar alqasynyń quramynda aqyn, Qazaqstan Jazýshylar Odaǵynyń múshesi, QR Memlekettik «Daryn» jastar syilyǵynyń iegeri Aqberen Elgezek, QR Jazýshylar Odaǵynyń múshesi Beibit Sarybai, balalar jazýshysy Dildar Mamyrbaeva, Halyqaralyq «Alash», «Soros-Qazaqstan» syilyqtarynyń laýreaty Qýandyq Túmenbai, balalar jazýshysy Záýre Tórehan boldy.
Joba balalar ádebietin damytý, qazaqstandyq balalar ádebieti jazýshylaryna qoldaý kórsetý maqsatynda, qyrkúiek aiynyń 28-i dúniege kelgen qazaqtyń úsh klassik jazýshysynyń týǵan kúnine orai ótkizildi.
Aita ketelik, 28 qyrkúiek – qazaq ádebietiniń klassigi, qoǵam qairatkeri, QR UǴA akademigi Muhtar Áýezovtyń, Qazaqstannyń halyq jazýshysy, Qyrǵyzstannyń halyq aqyny, táýelsiz «Tarlan» syilyǵynyń laýreaty Sherhan Murtazanyń jáne Qazaq KSR Memlekettik syilyǵynyń, N.Ostrovskii atyndaǵy Búkilodaqtyq ádebi syilyqtyń iegeri Oralhan Bókeidiń týǵan kúni.
Is-sharany úsh jazýshynyń týǵan kúnine orailastyrý arqyly qazaq ádebietine degen qoǵamnyń qyzyǵýshylyǵyn arttyrý, saltanatty sharanyń mártebesin kóterý, klassikterimizdiń eńbekterine degen qurmetti kórsetý, baiqaý jeńimpazdaryna ádebiet salasy maitalmandaryn úlgi etý maqsattary oryndaldy.
Qazylar alqasy 2022 jylǵy 5 qyrkúiek kúni, onlain kezdesý ótkizip, baiqaý jeńimpazdaryn anyqtady. Olardyń sheshimimen «Áńgime» baǵyty boiynsha:
I oryn - Doshan Jylqybai.
II oryn - Dámetken Saǵynbaeva.
III oryn - Jantas Erkinulyna buiyrdy.
- Erzat Moldabekuly.
- Dilnaz Esbolatova.
- Aigólek Ómirbek.
- Gúlden Jylkeldieva.
- Nursultan Serikbaev yntalandyrý syilyqtaryna ie boldy.
«Ertegi» baǵyty boiynsha:
I oryn - Azamat Ábilqaiyr.
II oryn - Nurjan Nurbek.
III oryn - Qazim Tilekqabyldyń qanjyǵasyna bailanyp,
- Kókbóri Qizat.
- Gúlbaqyt Ábsat.
- Erjan Kúrkeev.
- Aiym Mahaeva.
- Aziza Ýrah yntalandyrý syilyqtaryn aldy.
