بايقاۋعا قازاق ادەبيەتىنە ۇلەس قوسىپ جۇرگەن جانە شىعارمالارىمەن تانىلىپ كەلە جاتقان 18-35 جاس ارالىعىنداعى قالامگەر جاستاردان 150-دەن اسا شىعارما كەلىپ تۇسكەن.
بايقاۋ شارتتارى بويىنشا قاتىسۋشىلار ەركىن تاقىرىپتا پروزا جانرىندا ەرتەگىلەر (باستاۋىش جانە ورتا بۋىن مەكتەپ وقۋشىلارىنا ارنالعان) جانە شاعىن اڭگىمەلەر (جاسوسپىرىمدەرگە ارنالعان) باعىتتارى بويىنشا ب ا ق سىنادى.
سالتاناتتى شارانىڭ شىمىلدىعىن تۇرگەن اقپارات جانە قوعامدىق دامۋ ۆيسە-مينيسترى دانيار قادىروۆ قازاق حالقىنىڭ "تاربيە تال بەسىكتەن" دەگەن قاعيدانى ۇستانىپ، بالانىڭ بولاشاعىنا ۇلكەن جاۋاپكەرشىلىكپەن قاراعانىن تىلگە تيەك ەتتى.
"بالا تاربيەسىنىڭ زاماناۋي قۇرالدارى ارقىلى ءداستۇرىمىزدى، ۇلتتىق تاريح، ادەبيەت، مادەنيەتىمىزدى ناسيحاتتاپ، جاڭعىرتۋىمىز كەرەك»، - دەدى د.قادىروۆ.
ءوز كەزەگىندە وسى شارانى ۇيىمداستىرۋعا ۇيىتقى بولعان "قازاقستاندىق قوعامدىق دامۋ ينستيتۋتىنىڭ" باسقارما ءتوراعاسى قازىبەك مايگەلدينوۆ بيىلعى «بالالار جىلىندا» بالالار جازۋشىلارىنا ەرەكشە كوڭىل ءبولىنىپ، ولاردىڭ شىعارماشىلىعىنا قۋات بەرەتىن ءتۇرلى باستامالار قولعا الىنىپ جاتقانىن ايتىپ ءوتتى.
"مۇنداي ءىس-شارانىڭ ءبىرى ءارى بىرەگەيى – ق ر اقپارات جانە قوعامدىق دامۋ مينيسترلىگىنىڭ قولداۋىمەن قازاقستاندىق قوعامدىق دامۋ ينستيتۋتى جانە جازۋشىلار وداعى تۇڭعىش رەت ۇيىمداستىرىپ وتىرعان «التىن ساقا» بالالار ادەبيەتى شىعارمالارىنىڭ رەسپۋبليكالىق بايقاۋى.
بايقاۋ بالالار ادەبيەتىن ارى قاراي دامىتىپ، قازاقستاندىق جازۋشىلارعا قولداۋ كورسەتۋدى كوزدەيدى.
ۇلتتىق سانانى تامىرىنان ءۇزىپ الماي، جاڭا زامانعا ساي ەتىپ بەيىمدەۋدىڭ باستى تەتىكتەرىنىڭ ءبىرى – جاس ۇرپاقتى ۇلتتىق ادەبيەتىمىزدىڭ قاينار-كوزىمەن سۋسىنداتا ءبىلۋ وتە وزەكتى. قازىرگى تاڭدا قازاق تىلىندە بالالار ادەبيەتى باعىتى بويىنشا جاڭا ەسىمدەر كوپ ەمەس. سوندىقتان وسى جوباعا ەرەكشە كوڭىل اۋدارىپ وتىرمىز.
بايقاۋعا بالالاردى ادامگەرشىلىككە، پاراساتتىلىققا، وتانسۇيگىشتىككە، سانانىڭ اشىقتىعى مەن ۇلتتىق بىرەگەيلىكتى ساقتاۋعا، وسكەلەڭ ۇرپاققا قىزىقتى، زاماناۋي ءارى وزەكتى تاقىرىپتار بويىنشا شىعارمالار كەلىپ ءتۇستى. مۇنداي تۋىندىلار بالالاردىڭ ادەبيەتكە، شىعارماشىلىقا، كىتاپ وقۋعا دەگەن قىزىعۋشىلىعىن ارتتىرادى دەگەن سەنىمدەمىز"، – دەدى ول.
ينستيتۋتىنىڭ ءتوراعاسىنىڭ توقتالىپ وتكەنىندەي مۇنداي بايقاۋلار وسكەلەڭ ۇرپاقتىڭ بويىندا مەيىرىمدىلىك، ومىرلىك ماقسات قويۋ، ادىلدىك پەن ەڭبەكقورلىق سياقتى قۇندىلىقتاردى قالىپتاستىرادى.
"ينستيتۋتىمىزبەن بىرلەسىپ ۇيىمداستىرعان قازاقستان جازۋشىلار وداعىنا، ءادىل قازى القاسىنا جانە بايقاۋعا قاتىسقان بارلىق جاس قالامگەرلەرگە تولاعاي تابىس تىلەيمىن، قالامدارىڭىز ەشقاشان مۇقالماسىن"، – دەيدى قازىبەك مايگەلدينوۆ.
ال قازىلار القاسىنىڭ قۇرامىندا اقىن، قازاقستان جازۋشىلار وداعىنىڭ مۇشەسى، ق ر مەملەكەتتىك «دارىن» جاستار سىيلىعىنىڭ يەگەرى اقبەرەن ەلگەزەك، ق ر جازۋشىلار وداعىنىڭ مۇشەسى بەيبىت سارىباي، بالالار جازۋشىسى ءدىلدار مامىربايەۆا، حالىقارالىق «الاش»، «سوروس-قازاقستان» سىيلىقتارىنىڭ لاۋرەاتى قۋاندىق تۇمەنباي، بالالار جازۋشىسى زاۋرە تورەحان بولدى.
جوبا بالالار ادەبيەتىن دامىتۋ، قازاقستاندىق بالالار ادەبيەتى جازۋشىلارىنا قولداۋ كورسەتۋ ماقساتىندا، قىركۇيەك ايىنىڭ 28ء-ى دۇنيەگە كەلگەن قازاقتىڭ ءۇش كلاسسيك جازۋشىسىنىڭ تۋعان كۇنىنە وراي وتكىزىلدى.
ايتا كەتەلىك، 28 قىركۇيەك – قازاق ادەبيەتىنىڭ كلاسسيگى، قوعام قايراتكەرى، ق ر ۇعا اكادەميگى مۇحتار اۋەزوۆتىڭ، قازاقستاننىڭ حالىق جازۋشىسى، قىرعىزستاننىڭ حالىق اقىنى، تاۋەلسىز «تارلان» سىيلىعىنىڭ لاۋرەاتى شەرحان مۇرتازانىڭ جانە قازاق كسر مەملەكەتتىك سىيلىعىنىڭ، ن.وستروۆسكيي اتىنداعى بۇكىلوداقتىق ادەبي سىيلىقتىڭ يەگەرى ورالحان بوكەيدىڭ تۋعان كۇنى.
ءىس-شارانى ءۇش جازۋشىنىڭ تۋعان كۇنىنە ورايلاستىرۋ ارقىلى قازاق ادەبيەتىنە دەگەن قوعامنىڭ قىزىعۋشىلىعىن ارتتىرۋ، سالتاناتتى شارانىڭ مارتەبەسىن كوتەرۋ، كلاسسيكتەرىمىزدىڭ ەڭبەكتەرىنە دەگەن قۇرمەتتى كورسەتۋ، بايقاۋ جەڭىمپازدارىنا ادەبيەت سالاسى مايتالماندارىن ۇلگى ەتۋ ماقساتتارى ورىندالدى.
قازىلار القاسى 2022 جىلعى 5 قىركۇيەك كۇنى، ونلاين كەزدەسۋ وتكىزىپ، بايقاۋ جەڭىمپازدارىن انىقتادى. ولاردىڭ شەشىمىمەن «اڭگىمە» باعىتى بويىنشا:
ءى ورىن - دوسحان جىلقىباي.
ءىى ورىن - دامەتكەن ساعىنبايەۆا.
ءىىى ورىن - جانتاس ەركىنۇلىنا بۇيىردى.
- ەرزات مولدابەك ۇلى.
- ءدىلناز ەسبولاتوۆا.
- ايگولەك ومىربەك.
- گۇلدەن جىلكەلدييەۆا.
- نۇرسۇلتان سەرىكبايەۆ ىنتالاندىرۋ سىيلىقتارىنا يە بولدى.
«ەرتەگى» باعىتى بويىنشا:
ءى ورىن - ازامات ءابىلقايىر.
ءىى ورىن - نۇرجان نۇربەك.
ءىىى ورىن - قازيم تىلەكقابىلدىڭ قانجىعاسىنا بايلانىپ،
- كوكبورى قيزات.
- گۇلباقىت ءابسات.
- ەرجان كۇركەيەۆ.
- ايىم ماحايەۆا.
- ازيزا ۋراح ىنتالاندىرۋ سىيلىقتارىن الدى.
