20 qańtarda álemdik valiýta rezervterindegi AQSh dollarynyń úlesi 40 paiyzdan tómen túsip ketti. Kelesi kúni altynnyń úlesi 30 paiyzdan asyp, jahandyq rezervter qurylymynda aitarlyqtai ózgeris baiqaldy, dep habarlaidy Dalanews.kz.
Sońǵy ret dollardyń úlesi 40 paiyzdan tómen deńgeige 1995 jylǵy 29 maýsymda túsken. Sarapshylar bul bir rettik qubylys emes, aktivter qurylymyndaǵy tarihi betburys ekenin aitady.
Ásirese, memlekettik qaryz ósýi, geosaiasi bólinis kúsheiýi jáne rezervter turaqtylyǵyna suranys artýy sekildi jaǵdailarda altynǵa qyzyǵýshylyq kúsheiip otyr.
Qazirgi úrdis saqtalsa, altyn rezervteri jyldyq esepte ai saiyn orta eseppen 8,4 paiyzǵa ósip, al dollar úlesi 6,1 paiyzǵa qysqarýy múmkin. Osy qarqyn jalǵassa jáne qazirgi baǵalar ózgermese, 2026 jyldyń sońyna qarai altyn dollardy basyp ozyp, eń iri aktivke ainalýy yqtimal.
Qazaqstannyń altyn-valiýta rezervteri de osyǵan uqsas baǵytty kórsetedi. 2024 jylǵy jeltoqsanda erkin aiyrbastalatyn valiýtalardaǵy aktivter úlesi 47,97 paiyz bolsa, altyn 52,03 paiyz bolǵan. Al 2025 jylǵy jeltoqsanda valiýtalyq aktivter 27,79 paiyzǵa deiin tómendep, altyn úlesi 72,21 paiyzǵa deiin ósken.
