Altai aýdanynyń ónerkásip óniminiń kólemi 115% ósý qarqynymen ósip, 25 mlrd teńge quraǵan. Al aýyl sharýashylyǵynyń jalpy óniminiń kólemi 129% ósimdi kórsetip, 12 mlrd teńgeni quraǵan.
– Egis alqaptary 76,6 myń gektardy qurady, bul ótken jyldyń deńgeiimen sáikes. Egistik alqaptarynyń qurylymynda eń kóp úles dándi jáne burshaq daqyldaryna tiesili – 53%-dy (40,8 myń gektar) quraidy. Maily daqyldardyń úlesi 36% (27,5 myń gektar), mal azyqtyq daqyldar 8,2% (6,3 myń gektar), kartop pen kókónis 3%-dy (2 myń ga) qurady.
Aǵymdaǵy jyldyń tamyz aiynan bastap aýdannyń aýylsharýashylyq qurylymdary 2023 jylǵy egin jinaý naýqanyna kiristi, arpa men suly jinaý naýqany bastaldy. Búgingi kúnge 6 myń gektar alqaptaǵy egin orylyp, ortasha ónimdilik gektaryna 27,4 tsentnerdi quraǵan. Et óndirisi 5% ósimmen 2638 tonna bolsa, sút 3% ósimmen 15470 tonnany qurady.
Sút sharýashylyǵyn odan ári damytý maqsatynda «Moiyldy Baiqońyr» JShS Polianskoe aýylynda 1000 basqa arnalǵan taýarly-sút fermasynyń qurylysy jobasyn júzege asyrýda, jobany iske asyrý merzimi 2023-2025 jyldar, jobany iske asyrý sút óndirisin jylyna 6500 tonnaǵa ulǵaitýǵa múmkindik beredi, – dedi Altai aýdany ákiminiń orynbasary Janna Asqarova.
Altai aýdanynda infraqurylymdy damytýǵa erekshe kóńil bólinýde. 2023 jylǵa 4,2 mlrd teńgege 76 jobany júzege asyrý josparlanǵan. Turǵyndardy sapaly sýmen jabdyqtaý jáne sýburý qyzmetterimen qamtamasyz etý salasynda 1,6 mlrd teńge somasyna 16 joba júzege asyrylyp jatyr.
Sonymen qatar Altai qalasynyń ortalyq jáne batys bólikterindegi sý qubyry jelilerin qaita jańǵyrtý boiynsha iri investitsiialyq jobalardy júzege asyrý jalǵasýda.
2023 jylǵa 222 mln teńge qarastyrylǵan. Jol-kólik infraqurylymy salasynda joldar men kóshelerdi jóndeýge 432 mln teńge qarastyrylǵan.
– Abattandyrý baǵytynda 117 mln teńgege 21 joba júzege asyrylýda. Balalar men sport alańdaryn jóndeý men ornatýǵa 81 mln teńge bólindi. 5 aýyldarda alańdar ornatyldy. Maiak aýylynda alańdy jóndeý jumystary júrgizildi. Altai men Serebriansk qalalarynda, Parygino jáne Severnoe aýyldarynda alańdardy jóndeý jáne ornatý jumystary júrgizilýde, – dedi Janna Asqarova.
