التاي اۋدانىنىڭ ٶنەركەسٸپ ٶنٸمٸنٸڭ كٶلەمٸ 115% ٶسۋ قارقىنىمەن ٶسٸپ, 25 ملرد تەڭگە قۇراعان. ال اۋىل شارۋاشىلىعىنىڭ جالپى ٶنٸمٸنٸڭ كٶلەمٸ 129% ٶسٸمدٸ كٶرسەتٸپ, 12 ملرد تەڭگەنٸ قۇراعان.
– ەگٸس القاپتارى 76,6 مىڭ گەكتاردى قۇرادى, بۇل ٶتكەن جىلدىڭ دەڭگەيٸمەن سەيكەس. ەگٸستٸك القاپتارىنىڭ قۇرىلىمىندا ەڭ كٶپ ٷلەس دەندٸ جەنە بۇرشاق داقىلدارىنا تيەسٸلٸ – 53%-دى (40,8 مىڭ گەكتار) قۇرايدى. مايلى داقىلداردىڭ ٷلەسٸ 36% (27,5 مىڭ گەكتار), مال ازىقتىق داقىلدار 8,2% (6,3 مىڭ گەكتار), كارتوپ پەن كٶكٶنٸس 3%-دى (2 مىڭ گا) قۇرادى.
اعىمداعى جىلدىڭ تامىز ايىنان باستاپ اۋداننىڭ اۋىلشارۋاشىلىق قۇرىلىمدارى 2023 جىلعى ەگٸن جيناۋ ناۋقانىنا كٸرٸستٸ, ارپا مەن سۇلى جيناۋ ناۋقانى باستالدى. بٷگٸنگٸ كٷنگە 6 مىڭ گەكتار القاپتاعى ەگٸن ورىلىپ, ورتاشا ٶنٸمدٸلٸك گەكتارىنا 27,4 تسەنتنەردٸ قۇراعان. ەت ٶندٸرٸسٸ 5% ٶسٸممەن 2638 توننا بولسا, سٷت 3% ٶسٸممەن 15470 توننانى قۇرادى.
سٷت شارۋاشىلىعىن ودان ەرٸ دامىتۋ ماقساتىندا «مويىلدى بايقوڭىر» جشس پوليانسكوە اۋىلىندا 1000 باسقا ارنالعان تاۋارلى-سٷت فەرماسىنىڭ قۇرىلىسى جوباسىن جٷزەگە اسىرۋدا, جوبانى ٸسكە اسىرۋ مەرزٸمٸ 2023-2025 جىلدار, جوبانى ٸسكە اسىرۋ سٷت ٶندٸرٸسٸن جىلىنا 6500 تونناعا ۇلعايتۋعا مٷمكٸندٸك بەرەدٸ, – دەدٸ التاي اۋدانى ەكٸمٸنٸڭ ورىنباسارى جاننا اسقاروۆا.
التاي اۋدانىندا ينفراقۇرىلىمدى دامىتۋعا ەرەكشە كٶڭٸل بٶلٸنۋدە. 2023 جىلعا 4,2 ملرد تەڭگەگە 76 جوبانى جٷزەگە اسىرۋ جوسپارلانعان. تۇرعىنداردى ساپالى سۋمەن جابدىقتاۋ جەنە سۋبۇرۋ قىزمەتتەرٸمەن قامتاماسىز ەتۋ سالاسىندا 1,6 ملرد تەڭگە سوماسىنا 16 جوبا جٷزەگە اسىرىلىپ جاتىر.
سونىمەن قاتار التاي قالاسىنىڭ ورتالىق جەنە باتىس بٶلٸكتەرٸندەگٸ سۋ قۇبىرى جەلٸلەرٸن قايتا جاڭعىرتۋ بويىنشا ٸرٸ ينۆەستيتسييالىق جوبالاردى جٷزەگە اسىرۋ جالعاسۋدا.
2023 جىلعا 222 ملن تەڭگە قاراستىرىلعان. جول-كٶلٸك ينفراقۇرىلىمى سالاسىندا جولدار مەن كٶشەلەردٸ جٶندەۋگە 432 ملن تەڭگە قاراستىرىلعان.
– اباتتاندىرۋ باعىتىندا 117 ملن تەڭگەگە 21 جوبا جٷزەگە اسىرىلۋدا. بالالار مەن سپورت الاڭدارىن جٶندەۋ مەن ورناتۋعا 81 ملن تەڭگە بٶلٸندٸ. 5 اۋىلداردا الاڭدار ورناتىلدى. ماياك اۋىلىندا الاڭدى جٶندەۋ جۇمىستارى جٷرگٸزٸلدٸ. التاي مەن سەرەبريانسك قالالارىندا, پارىگينو جەنە سەۆەرنوە اۋىلدارىندا الاڭداردى جٶندەۋ جەنە ورناتۋ جۇمىستارى جٷرگٸزٸلۋدە, – دەدٸ جاننا اسقاروۆا.
