2019 jyly Halıfa Altaı meshitinde Islam mádenıeti murajaıy ashyldy, onda Qazaqstanda Islamnyń paıda bolýy men damýynyń búkil tarıhy: kóne túrki nanym-seniminen bastap qazirgi ıslamǵa deıin beınelengen.
Aıta keteıik, munda Qaǵbanyń maketterinen bastap, "Halıfa Altaı" meshitiniń, Qoja Ahmet Iassaýı kesenesindegi Taıqazannyń, Semeı qalasynyń qos munaraly meshitiniń maketterin, Buharadan ákelingen Iassaýıdiń "Dıýanı hıkmet" kitabynyń túpnusqasyna deıin, sondaı-aq balbal tas jáne kóptegen qundy jádigerlerdi kórýge bolady.
– Murajaıda eń qundy nárse – kitaptar. SHQO ákimi Danıal Ahmetovtyń qoldaýymen XVI-XVIII ǵasyrlardaǵy 52 jazbasha derekkózdi satyp alynǵan.
Munda Qazaqstan tarıhy, ıslam, qazaqtardyń dástúri týraly kitaptar bar. Sensorlyq ekranmen jáne dybystyq súıemeldeýmen jabdyqtalǵan ınteraktıvti Quran bar. Meshitke kelýshler ony tórt tilde oqı alady. Mundaı Quran Qazaqstandaǵy jalǵyz jáne ol bizdiń oblysta, – dedi SHQO boıynsha bas ımam Ermek qajy Muqataı.
Danıal Ahmetov bul kitaptar álemniń túrli elderinen ákelingenin aıta kele aldaǵy ýaqytta taǵy 25-30 kitap satyp alynatynyn alǵa tartty.
Sonymen qatar, Ermek qajy Muqataı basqa aımaqtardan ákelingen XIX-XX ǵasyrlarǵa jatatyn qazaq mádenıetimen bite qaınasqan sırek kezdesetin kilemderdi kórsetti.
Premer-Mınıstrdiń orynbasary Altaı Kólginov óz kezeginde ejelgi qoljazbalardyń jurtshylyqqa tanystyrý úshin ár túrli tilderge aýdarý qajettigin atap ótti. Al bul ekspozısıadan ár kelýshi erekshe áser alyp qaıtatyny sózsiz.
