Almatyda Rysqulov dańǵylynan Buqtyrma kóshesine deiin alty jolaqty jańa magistral salynady, dep habarlaidy dalanews.kz.
Aýmaqtardyń kólik bailanysyn jaqsartý maqsatynda Baimaǵambetov kóshesi, Qulja tasjoly, Buqtyrma kóshesi jáne Rysqulov dańǵyly shekteitin aýmaqta jalpy uzyndyǵy 17,5 shaqyrym bolatyn jańa joldar salý josparlanyp otyr.
Qala ákimdigi málimetinshe, Buqtyrma kóshesi men Rysqulov dańǵylyn jalǵaityn jańa magistral alty jolaqty bolady. Onyń eni - 50 metr, uzyndyǵy - 4,6 shaqyrym.
"Bul joldy salý Úlken Almaty ainalma avtomobil jolymen (ÚAAAJ) kólik bailanysyn qamtamasyz etýge múmkindik beredi. Nátijesinde kólik qoljetimdiligi artyp, qalanyń kóshe-jol jelisiniń ózara bailanysy jaqsarady, sondai-aq, Almaty men aglomeratsiiadaǵy eldi mekender arasyndaǵy kólik qatynasynyń tiimdiligi kúsheiedi", - dep jazylǵan habarlamada.
Josparlanǵan magistral jeke turǵyn úi sektory arqyly ótetindikten, memlekettik qajettilik úshin shamamen 200 jer ýchaskesin májbúrlep satyp alý kózdelgen. Osyǵan bailanysty qala ákimdigi tiisti qaýly qabyldap, jyljymaityn múlik ielerine habarlama joldaǵan.
