الماتىدا رىسقۇلوۆ داڭعىلىنان بۇقتىرما كٶشەسٸنە دەيٸن التى جولاقتى جاڭا ماگيسترال سالىنادى, دەپ حابارلايدى dalanews.kz.
اۋماقتاردىڭ كٶلٸك بايلانىسىن جاقسارتۋ ماقساتىندا بايماعامبەتوۆ كٶشەسٸ, قۇلجا تاسجولى, بۇقتىرما كٶشەسٸ جەنە رىسقۇلوۆ داڭعىلى شەكتەيتٸن اۋماقتا جالپى ۇزىندىعى 17,5 شاقىرىم بولاتىن جاڭا جولدار سالۋ جوسپارلانىپ وتىر.
قالا ەكٸمدٸگٸ مەلٸمەتٸنشە, بۇقتىرما كٶشەسٸ مەن رىسقۇلوۆ داڭعىلىن جالعايتىن جاڭا ماگيسترال التى جولاقتى بولادى. ونىڭ ەنٸ - 50 مەتر, ۇزىندىعى - 4,6 شاقىرىم.
"بۇل جولدى سالۋ ٷلكەن الماتى اينالما اۆتوموبيل جولىمەن (ٷاااج) كٶلٸك بايلانىسىن قامتاماسىز ەتۋگە مٷمكٸندٸك بەرەدٸ. نەتيجەسٸندە كٶلٸك قولجەتٸمدٸلٸگٸ ارتىپ, قالانىڭ كٶشە-جول جەلٸسٸنٸڭ ٶزارا بايلانىسى جاقسارادى, سونداي-اق, الماتى مەن اگلومەراتسيياداعى ەلدٸ مەكەندەر اراسىنداعى كٶلٸك قاتىناسىنىڭ تيٸمدٸلٸگٸ كٷشەيەدٸ", - دەپ جازىلعان حابارلامادا.
جوسپارلانعان ماگيسترال جەكە تۇرعىن ٷي سەكتورى ارقىلى ٶتەتٸندٸكتەن, مەملەكەتتٸك قاجەتتٸلٸك ٷشٸن شامامەن 200 جەر ۋچاسكەسٸن مەجبٷرلەپ ساتىپ الۋ كٶزدەلگەن. وسىعان بايلانىستى قالا ەكٸمدٸگٸ تيٸستٸ قاۋلى قابىلداپ, جىلجىمايتىن مٷلٸك يەلەرٸنە حابارلاما جولداعان.
