Almatyda politsiia saýda oryndaryna reid sharalaryn kúsheitti, dep habarlaidy dalanews.kz.
Politseiler energetikalyq sýsyndardyń kámeletke tolmaǵandarǵa satylýyna jol bermeý maqsatynda profilaktikalyq reid júrgizip jatyr. Reid barysynda politsiia qyzmetkerleri saýda oryndaryn aralap, belgilengen talaptar saqtalýyn tekseredi.
Sondai-aq, satýshylarǵa qoldanystaǵy zańnama talaptaryn túsindiredi.
"Maqsatymyz - zańbuzýshylyqtardy anyqtap qana qoimai, olardyń aldyn alý. Reid barysynda politsiia qyzmetkerleri satýshylarǵa zań talaptaryn túsindirip, energetikalyq sýsyndardy kámeletke tolmaǵandarǵa satýǵa jol berilmeitinin eskertedi", – dedi Almaty qalasy Politsiia departamenti qoǵamdyq qaýipsizdik basqarmasynyń bastyǵy Timýr Noǵaibaev.
Politsiia saýda nysandarynyń ókilderin zań talaptaryn qatań saqtaýǵa shaqyrdy. Energetikalyq sýsyndardy kámeletke tolmaǵandarǵa satý zańda belgilengen ákimshilik jaýapkershilikke ákep soǵady.
