الماتىدا پوليتسييا ساۋدا ورىندارىنا رەيد شارالارىن كٷشەيتتٸ, دەپ حابارلايدى dalanews.kz.
پوليتسەيلەر ەنەرگەتيكالىق سۋسىنداردىڭ كەمەلەتكە تولماعاندارعا ساتىلۋىنا جول بەرمەۋ ماقساتىندا پروفيلاكتيكالىق رەيد جٷرگٸزٸپ جاتىر. رەيد بارىسىندا پوليتسييا قىزمەتكەرلەرٸ ساۋدا ورىندارىن ارالاپ, بەلگٸلەنگەن تالاپتار ساقتالۋىن تەكسەرەدٸ.
سونداي-اق, ساتۋشىلارعا قولدانىستاعى زاڭناما تالاپتارىن تٷسٸندٸرەدٸ.
"ماقساتىمىز - زاڭبۇزۋشىلىقتاردى انىقتاپ قانا قويماي, ولاردىڭ الدىن الۋ. رەيد بارىسىندا پوليتسييا قىزمەتكەرلەرٸ ساتۋشىلارعا زاڭ تالاپتارىن تٷسٸندٸرٸپ, ەنەرگەتيكالىق سۋسىنداردى كەمەلەتكە تولماعاندارعا ساتۋعا جول بەرٸلمەيتٸنٸن ەسكەرتەدٸ", – دەدٸ الماتى قالاسى پوليتسييا دەپارتامەنتٸ قوعامدىق قاۋٸپسٸزدٸك باسقارماسىنىڭ باستىعى تيمۋر نوعايباەۆ.
پوليتسييا ساۋدا نىساندارىنىڭ ٶكٸلدەرٸن زاڭ تالاپتارىن قاتاڭ ساقتاۋعا شاقىردى. ەنەرگەتيكالىق سۋسىنداردى كەمەلەتكە تولماعاندارعا ساتۋ زاڭدا بەلگٸلەنگەن ەكٸمشٸلٸك جاۋاپكەرشٸلٸككە ەكەپ سوعادى.
