Almatyda alǵash ret elektrsamokattardy ornalastyrýdyń biryńǵai erejesi engiziledi, dep habarlaidy dalanews.kz.
Almatyda jol qozǵalysyn uiymdastyrýdyń jańartylǵan erejesi ázirlendi. Jobany máslihat otyrysynda Jol qozǵalysyn uiymdastyrý jáne jolaýshylar kóligi basqarmasynyń basshysy Erjan Dihanbaev tanystyrdy.
Jobaǵa sáikes elektrsamokattar, mopedter jáne ózge de quraldarǵa arnalǵan turaq oryndaryn ornalastyrýdyń biryńǵai talaptary belgilenedi. Jalǵa berý qyzmetin kórsetetin operatorlar úshin turaq oryndary shart negizinde uiymdastyrylyp, bul qala aýmaǵynda kólikti retimen ornalastyrýǵa múmkindik beredi. Sonymen qatar, turǵyndar osy turaq aimaqtaryn ózderiniń jeke samokattary men basqa da quraldaryn ornalastyrý úshin tegin paidalana alady.
Buǵan qosa, qujatta kólikti evakýatsiialaý jáne arnaiy turaqtarda saqtaý tártibi, sondai-aq, aýlalarda shlagbaýmdar men qorǵanysh qorshaýlaryn ornatýdyń biryńǵai talaptary aiqyndalǵan. Bul rette jedel járdem, órt sóndirý jáne basqa da jedel qyzmet kólikteriniń kedergisiz júrýi mindetti talap retinde saqtalady.
Basqarma ókilderiniń aitýynsha, bul jobany qabyldaý jol qozǵalysyn uiymdastyrýdyń zamanaýi júiesin qalyptastyrýǵa, qalalyq infraqurylymdy tiimdi paidalanýǵa jáne kóliktiń jańa túrlerin retteýdiń biryńǵai tásilin engizýge múmkindik beredi.
